नेता रमेश लेखकको घरनजिक बम विष्फोट
प्रकाशित मिति : मंसिर १९, २०७४ मंगलबार
मंसिर १९ कञ्चनपुर । नेपाली काँग्रेसका वरिष्ठ नेता तथा कञ्चनपुर निर्वाचन क्षेत्र नं ३ का प्रतिनिधिसभाका उम्मेदवार रमेश लेखकको भीमदत्त नगरपालिका भाँसीस्थित घर नजिकै गएराति बम विष्फोटन गरिएको छ ।
बम विष्फोटबाट घरमा कुनै प्रकारको क्षति नभएको जिल्ला प्रहरी कार्यालय कञ्चनपुरका प्रहरी नायब उपरीक्षक ज्ञानबहादुर सेटीले बताए । बम विष्फोटन गर्ने कार्यमा संलग्नको खोजी कार्य शुरु गरिएको उनले बताए ।
नेपाली काँग्रेसका पूर्व कञ्चनपुर जिल्ला कार्यसमिति सचिव भोजराज बोहराले नेता लेखकको घर नजिकै बम विष्फोटनको घटनाको भर्सना गरेका छन् । उनले आपराधिक क्रियाकलापमाथि तत्काल नियन्त्रण गर्न मागसमेत गरे।