KHASOKHAS ON GOOGLE NEWS CoronaVirus Fact Checking CoronaVirus News Update CoronaVirus: Stories of Hope CoronaVirus Resource Center File UI or PUA Claim Donate to Khasokhas KHASOKHAS E-MAGAZINE

साउदीमा नेपालीलाई भोकभोकै राखेर कुटपिट

प्रकाशित मिति : भाद्र ३१, २०७३ शुक्रबार

रोजगारीका लागि साउदी अरब पुगेका नेपाली युवाले त्यहाँको रोजगारदाता कम्पनीका मानिसको हातबाट उल्टै कुटाई खानुपरेको छ। आकर्षक तलब हुने भन्दै नेपालगन्जस्थित कर्णाली म्यानपावरबाट साउदी पुगेका सातजना नेपालीले रातदिन पसिना बगाएर पनि भोकैमात्रै बस्नुपरेन कम्पनीका मानिसको हातबाट पनि कुटाई खानुपरेको हो ।

साउदी अरबस्थित हासा एल डोस्री फोम कम्पनीमा राम्रो काम र तलब पाइने आशामा पुगेका तीन नेपाली युवाले ज्यान बचाउनका लागि नेपाल प्रहरीलाई गुहार लाउनु परेको छ । साउदीमा भोकभोकै परेर कम्पनीका मानिसहरुबाट कुटाई समेत सहनुपरेपछि ती सात नेपाली युवाले आफ्नो ज्यान बचाई नेपाल फर्काइदिन गुहार मागेपछि महानगरीय प्रहरी अपराध महाशाखाको पहलमा मङ्गलबार उद्धार गरेर नेपाल ल्याइएको छ ।

महाशाखाका अनुसासर म्यानपावरले भनेजस्तो काम र तलब नपाएर जीवन नै जोखिममा परेका उनीहरुले आफूहरुको जीवनरक्षा गरि नेपाल फर्काइदिन भन्दै गुहार मागेका थिए । अपराध महाशाखाका अनुसार उद्धार गरिएका युवाहरुमा बर्दिया जमुनि सीतापुरका देव बहादुर कँडेल, मुगुके हयागलुका रनबहादुर रोकाया, बाँकेको नेपालगन्जका मोहमद आरुन खान, नेपालगन्जकै निसार खान, बर्दिया शिवपुर-२ का खगेन्द्र नाथ योगी, बाँके मनिकापुर-४ का लिलबहादुर रोक्का मगर र बाँकेको पुरौना -७ मोहमद सबिर खान रहेका छन् ।

‘म्यानपावर कम्पनीले सम्झौता गरी पठाए अनुसारको काम र तलब नपाएको र तलब माग्न जाँदा पटक पटक कम्पनीका मानिसबाट कुटाई समेत खानु परेको गुनासो उनीहरुले हामीसँग गरेका थिए’, अपराध महाशाखाको विज्ञप्तीमा भनिएको छ, ‘ तलबसँगै काम पनि नदिएकाले खान बस्न समस्या भएको भन्दै जीवनरक्षा गरी नेपाल फिर्ता गराउन आग्रह गरेकाले उद्धार गरी नेपाल ल्याइएको हो ।’

महाशाखाले उनीहरुको उद्धारका लागि साउदीस्थित नेपाली दूतावास तथा अन्य सरकारी निकायसँग समन्वय गरेको थियो । महाशाखाले उनीहरुलाई पठाउने म्यानपावर र ठगीबारेमा अनुसन्धान अघि बढाइएएको जनाएको छ ।

Loading...

भिडियो हेर्नुहोस्

KHASOKHAS TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar
© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com
WP2Social Auto Publish Powered By : XYZScripts.com