दक्षिण सुडानमा बस्छन् ५ लाख ६० हजार शरणार्थी

खसोखास रिपोर्टर

---

प्रकाशित मिति : बैशाख ३०, २०८२ मंगलबार

People walk around a bus stop in the capital Khartoum’s southern neighbourhood of al-Kalakla on April 29, 2025. (Photo by AFP)

संयुक्त राष्ट्रसंघको शरणार्थी सम्बन्धी निकायले हालै सार्वजनिक गरेको प्रतिवेदनअनुसार दक्षिण सुडानमा हाल पाँच लाख ५९ हजार ६१५ जना शरणार्थीहरू बसोबास गरिरहेका छन्। ती सबैजना देशभरका २९ स्थानहरूमा रहेका छन्।

उक्त प्रतिवेदनमा पाँच लाख ५५ हजार ८१४ जना व्यक्ति औपचारिक रूपमा दर्ता गरिएका शरणार्थीको रूपमा रहेका छन् भने तीन हजार ८०१ जना व्यक्ति अझै शरणको खोजीमा छन्।

शरणार्थीहरूमध्ये सबैभन्दा ठूलो सङ्ख्या छिमेकी देश सुडानबाट आएका छन्, जसको संख्या पाँच लाख २७ हजार ९५१ रहेको छ। त्यसपछि कङ्गो, इथियोपिया, इरिट्रिया, र मध्य अफ्रिकी गणराज्यलगायतका अन्य देशका नागरिकहरू रहेका छन्।

शरण खोज्ने व्यक्तिहरूको विवरण अनुसार, ३५ दशमलव एक प्रतिशत इरिट्रियाली र ३४ प्रतिशत इथियोपियाली नागरिक छन्। त्यस्तै, युगान्डा, बुरुन्डी र कङ्गोका नागरिकहरू पनि उल्लेखनीय सङ्ख्यामा सङ्ख्यामा रहेका छन्।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

सुडानमा जारी हिंसात्मक द्वन्द्वका कारण प्रभावित व्यक्तिहरू ज्यान जोगाउँदै भाग्न बाध्य भएका छन्। उनीहरूलाई दक्षिण सुडानले अस्थायी रूपमा शरण दिँदै आएको छ।

प्रतिवेदनअनुसार ती शरणार्थीहरूमध्ये ५१ प्रतिशत महिला छन् भने कूल ७८ प्रतिशत महिला र बालबालिका रहेका छन्, जसले महिला तथा बालमैत्री सेवा तथा सुरक्षाको विशेष आवश्यकता औंल्याएको छ।