भारत-पाकिस्तान युद्धविराम सहमतिको केही घण्टापछि श्रीनगर शहरमा ‘विस्फोटका आवाज’

खसोखास रिपोर्टर

---

प्रकाशित मिति : बैशाख २७, २०८२ शनिबार

TOPSHOT – Trails from an Indian air defence system are seen above Jammu during a Pakistani strike on May 9, 2025. The Indian army on May 10 reported fresh Pakistani attacks along the border with its arch-foe as the conflict between the nuclear-armed neighbours spiralled. (Photo by Rakesh BAKSHI / AFP)

भारतीय कश्मीरको श्रीनगर शहरमा शनिबार साँझ विस्फोटका आवाजहरू सुनिएका छन् । भारत र पाकिस्तानले युद्धविराममा सहमति जनाएको केही घण्टापछि श्रीनगर शहरमा विस्फोटका आवाजहरू सुनिएका हुन् । जम्मू-कश्मीरका मुख्यमन्त्री उमर अब्दुल्लाहले सामाजिक सञ्जाल एक्समा एक पोस्टमार्फत यो जानकारी दिएका छन्।

‘युद्धविरामको के भयो ? श्रीनगरभरि विस्फोटका आवाजहरू सुनिए’, अब्दुल्लाहले आफ्नो पोस्टमा लेखेका छन्। यद्यपि, विस्फोटको कारण र क्षतिको विवरणबारे कुनै आधिकारिक जानकारी आएको छैन ।

शनिबारमात्रै भारत र पाकिस्तानले हप्तौंको तनाव र एकपछि अर्को आक्रमणपछि युद्धविराममा सहमत जनाएका थिए । अमेरिकी राष्ट्रपति डोनाल्ड ट्रम्पले शनिबार भारत र पाकिस्तानले चौथो दिनको सैन्य आक्रमण र प्रतिआक्रमणपछि ‘पूर्ण र तत्काल युद्धविराम’ मा सहमति जनाएको घोषणा गरेका थिए । उक्त युद्धविराम नेपाली समयअनुसार शनिबार साँझ सवा ५ बजेबाट लागू भएको छ।

ट्रम्पले ट्रुथ सोसलमा पोस्ट गर्दै अमेरिकाको मध्यस्थतामा भएको रातको लामो वार्तापछि भारत र पाकिस्तानले पूर्ण र तत्काल युद्धविराममा सहमति जनाएको बताएका थिए । उनले दुवै देशलाई सामान्य बुद्धि र उत्कृष्ट बुद्धिमत्ताको प्रयोग गरेकोमा बधाई समेत जिकिर गरेका थिए ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

उनले भनेका छन्, ‘संयुक्त राज्य अमेरिकाको मध्यस्थतामा भएको लामो रातको वार्तापछि, भारत र पाकिस्तानले पूर्ण र तत्काल युद्धविराममा सहमति जनाएका छन्। दुवै देशलाई सामान्य बुद्धि र उत्कृष्ट बुद्धिमत्ताको प्रयोग गरेकोमा बधाई।’

भारतीय विदेशमन्त्री एस जयशंकरले भारत र पाकिस्तानले गोलीबारी र सैन्य कारबाही रोक्न सहमत भएको जानकारी दिएका छन् । भारतीय विदेशमन्त्रीले सामाजिक सञ्जाल प्लेटफर्म एक्समा लेखेका छन्, ‘भारतले सबै प्रकारका आतंकवाद विरुद्ध निरन्तर कडा र दृढ अडान अपनाएको छ। यसले त्यसो गरिरहनेछ।’

यो पनि पढ्नुहोस् :

अमेरिकाको मध्यस्थतामा भएको रातभरको वार्तापछि भारत र पाकिस्तान युद्धविराम गर्न सहमत