रुसमा चार जना स्वतन्त्र पत्रकारलाई ६ वर्ष जेल सजाय
प्रकाशित मिति : चैत्र २८, २०८१ बिहीबार
रुसमा चार जना स्वतन्त्र पत्रकारलाई जेल सजाय दिइएको छ । उनीहरुलाई ६ वर्षको जेल सजाय सुनाइएको हो ।
विपक्षी नेता एलेक्सी नाभाल्नीको सङ्गठनलाई सहयोग गरेको आरोपमा चार जना स्वतन्त्र पत्रकारलाई छ वर्षको जेल सजायको माग रुसी अभियोजनकर्ताहरूले गरेका हुन ।
मस्कोले सन् २०२२ को युक्रेन आक्रमण सुरु गर्नुभन्दा केही समयअघि नै नाभाल्नीको सङ्गठनलाई ‘अतिवादी’ भन्दै प्रतिबन्ध लगाएको थियो ।
गत वर्ष आर्कटिक जेलमा नाभाल्नीको मृत्युपछि पनि उनीहरूसँग सम्बन्ध रहेको ठानिएका जो कोहीमाथि पनि कारबाही जारी राखिएको छ ।
युक्रेनमा सेना पठाएपछि रुसले रूसी सङ्घ, सङ्गठन वा समूहहरूलाई सोभियत कालको उत्तरार्धसँग तुलना गर्न प्रतिबन्ध गरेको छ ।
पत्रकार एन्टोनिना क्राभत्सोभा, कोन्स्टेन्टिन गाबोभ, सर्गेइ कारेलिन र आर्टेम क्रिगरमाथि ‘अतिवादी समूहसंग निकट रहेको आरोप लगाइएको छ ।
अभियोजनकर्ता नादेज्दा तिखोनोभाले ती सबैलाई पाँच वर्ष ११ महिना जेल सजायको माग गरेको मस्कोको नागाटिन्स्की अदालतले जनाएको छ । यस्तो कसुरमा बढीमा छ वर्षको जेल सजाय हुन सक्छ ।
रुसी राष्ट्रपति भ्लादिमिर पुटिनका कटु आलोचक तथा मुख्य प्रतिद्वन्द्वी नाभाल्नीको मृत्यु भएको केही महिनापछि गत वर्षको वसन्त र ग्रीष्मऋतुमा उनीहरूलाई पक्राउ गरिएको थियो ।
युक्रेन आक्रमणको समयमा रुसमा सामान्य रूपमा देखापरेझैं उनीहरूलाई बन्द ढोकापछाडि मुद्दा चलाइएको थियो ।
स्वतन्त्र अनलाइन पत्रिका सोटाभिजनमा काम गर्ने ३४ वर्षीया फोटोग्राफर क्राभत्सोभा दुई वर्षदेखि नाभाल्नीको मुद्दाको कभरेज गरेरहेकी थिइन ।
उनले नाभाल्नीको मृत्यु हुनुभन्दा दुई दिनअघि मात्र अदालतमा भिडियोलिङ्कमार्फत नाभाल्नीको अन्तिम उपस्थितिको भिडियो खिच्न सफल भएकी थिइन ।
पत्रकार गाबोभ र करेलिनमाथि नाभाल्नीको सामाजिक सञ्जाल च्यानलका लागि फोटो र भिडियो सामग्री तयार पारेको आरोप लागेको छ ।
अभियुक्तमध्ये सबैभन्दा कान्छो २४ वर्षीय क्रिगरले एसओटी एभीजनका लागि राजनीतिक मुद्दा र विरोध प्रदर्शनलाई कभरेज गर्नुभएको थियो ।
मस्कोले युक्रेनको आक्रमणको आलोचनामा प्रतिबन्ध लगाएको छ । देशका अधिकांश स्वतन्त्र सञ्चारमाध्यमहरू रूस बाहिरबाट सेवा सञ्चालन गर्न बाध्य बनाइएको छ ।