अमेरिकासँगको सम्बन्ध कमजोर बनिरहेको बेला चीन र फ्रान्स छलफलमा
प्रकाशित मिति : चैत्र ११, २०८१ सोमबार
(250127) — BEIJING, Jan. 27, 2025 (Xinhua) — Chinese President Xi Jinping, also general secretary of the Communist Party of China (CPC) Central Committee and chairman of the Central Military Commission, delivers a speech at a high-level reception to ring in the Chinese New Year at the Great Hall of the People in Beijing, capital of China, Jan. 27, 2025. The CPC Central Committee and the State Council held the reception on Monday in Beijing. (Photo by Feng Yongbin/Xinhua)
चीनले फ्रान्ससँगको सम्बन्ध बलियो बनाउन खोजेको देखिएको छ ।
अमेरिकासँग युरोपेली देशको सम्वन्धमा आएको चिसोपनसँगै चीनले ति देशहरुसँगको सम्वन्धलाई नयाँ शिराबाट अगाडि बढाउन खोजेको देखिएको छ ।
फ्रान्सका विदेशमन्त्रीको आसन्न भ्रमणले ‘अशान्ति र रूपान्तरण’को सामना गरिरहेको विश्वमा दुई देशबीच सहयोग प्रगाढ हुने आशा चीनले व्यक्त गरेको छ ।
फ्रान्स र चीनले हालैका वर्षहरूमा सम्बन्धलाई बलियो बनाउन खोजेका छन् ।
तर फ्रान्सले युक्रेनको आक्रमणपछि बलियो देखिएको चीन र रुसबीचको सम्बन्धलाई प्रगाढ नबनाउन चीनलाई दबाब दिएको छ ।
फ्रान्सका विदेशमन्त्री ज्याँ नोएल बारोटले आगामी बिहीबार र शुक्रबार चीनको राजधानी बेइजिङ र आर्थिक महाशक्ति साङ्घाईको भ्रमण गर्नेछन ।
चीनले फ्रान्सका विदेशमन्त्रीको यो भ्रमणलाई ‘राजनीतिक पारस्परिक विश्वास लाई मजबुत बनाउन’ प्रयोग गर्ने बताएको छ ।
जनवरीमा ह्वाइट हाउसमा फर्केका अमेरिकी राष्ट्रपति डोनाल्ड ट्रम्पप्रति लक्षित गर्दै चीनले संयुक्त रूपमा एकपक्षीयता र अराजक कानूनको पुनरुत्थानको विरोध गर्ने बताएको छ ।
गत वर्ष पेरिसमा राष्ट्रपति इमानुएल म्याक्रोँसँग भएको भेटमा म्याक्रोँले चीनको ‘स्वतन्त्र’ अडानको सराहना गरेका थिए ।
चीनले युक्रेन द्वन्द्वमा आफू तटस्थ भएको बताउँदै आएको छ । तर चीनले युक्रेन युद्धको कहिल्यै निन्दा वा समर्थन केही गरेको देखिएको छैन ।