अवैध आप्रवासनबिरुद्ध भारत र अमेरिकाको समान धारणा रहेको मोदीको भनाई
प्रकाशित मिति : फाल्गुन ३, २०८१ शनिबार
Trump Modi
अमेरिकामा कागजातविहिन अबस्थामा बसेका भारतीय आप्रवासीलाई फर्काउन भारत सहमत भएको छ ।
अमेरिकी राष्टपति डोनाल्ड ट्रम्पसँग भएको भेटको क्रममा भारतीय प्रधानमन्त्री नरेन्द्र मोदीले यो सहमति जनाएको अमेरिकी मिडियाहरुले बताएका छन ।
अबैध आप्रवासनका बिषयमा भारत र अमेरिकाको समान धारणा रहेको मोदीको भनाइ रहेको छ ।
यदि कागजातविहिन अबस्थामा कोहि भारतीय अमेरिकामा बसेको छ भने हामीले घर फिर्तीलाई स्वीकार गर्ने छौ उनले भनेका छन ।
प्रधानमन्त्री मोदीले मानव तस्करहरुले अबैध रुपमा अमेरिका पुराउने गरेको भन्दै तस्कर मार्फत पुगेकाहरुले अमेरिका पुगेको र कागजातविहिन अबस्थामा बसिरहेको थाहा नै नपाउने गरेको बताए ।
साधारण परिवारका व्यक्तिहरुलाई तस्करहरुले ठुलो सपना देखाएर अमेरिका पुराउने गरेको भारतीय प्रधानन्त्री मोदीको दावी छ ।
सोझा र साधारण परिवारका युवाहरुलाई जोगाउन मानव तस्करका बिरुद्ध लड्नु अहिलेका प्रमुख आवश्यकता रहेको उनको भनाई छ ।
अमेरिकामा बसिरहेका कागजातविहिनका विरुद्ध अहिले ट्रम्प प्रशासन निक्कै कडा रुपमा प्रस्तुत भइरहेको छ ।
