Follow @khasokhasmag

‘धेरै स्थानमा तारजालीभित्र मतगणना’


प्रकाशित मिति : आश्विन ३, २०७४ मंगलबार

प्रदेश नं. २ मा मतपेटिकाको सुरक्षा तथा मतगणनामा बाधा नपुगोस् भनेर वीरगञ्ज महानगरपालिकासहित धेरै मतगणना स्थलमा तारजालीको व्यवस्था गरिएको जिल्ला निर्वाचन कार्यालयहरुले बताएका छन्।

स्थानीय तहको चुनाव अन्तर्गत भरतपुर महानगरपालिकामा मतगणना क्रममा मतपत्र च्यातिएपछि अअले सुरक्षा सजगता अपनाइएको छ।

पर्साका निर्वाचन अधिकारी होमनाथ पराजुलीले भने, “भरतपुर प्रकरणले पाठ सिकाएकाले वीरगञ्ज महानगरपालिकाको मतगणनास्थलमा तारजालीको व्यवस्था गरिएको छ।”

हाललाई संवेदनशील देखिएका मतगणना स्थलमा तारजालीको व्यवस्था गरिएको भए पनि आवश्यक परेको खण्डमा सबैमा तारजाली लगाउने तयारी गरिएको जिल्ला निर्वाचन कार्यालयहरुले जनाएका छन्।

तयारी

जिल्ला निर्वाचन कार्यालय रौतहटका प्रमुख राजन श्रीवास्तवले रौतहटमा पनि अधिकांश मतगणना स्थलमा तारजाली लगाइएको बताए।

निर्वाचन आयोगले मुख्य निर्वाचन अधिकृतहरुलाई सुरक्षाका सम्पूर्ण उपाय अपनाउन भनेकाले मतगणना स्थलमा तारजालीको व्यवस्था गरिएको आयोगका प्रवक्ता नवराज ढकालले बताए।

मतदान

उनले भने, “‘हामीले सुरक्षाका आवश्यक सबै उपाय अपनाउन भनेका छौँ।”

सोमवार सम्पन्न मतदानमा सहभागी मतदाताहरुको ‘अमूल्य’ मतको सुरक्षाका लागि भन्दै तारजाली लगाउने लगायत उपाय अपनाइएको आयोगले जनाएको छ।

BBC Nepali

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com