रुस–युक्रेन युद्धमा ५० हजार व्यक्ति हराइरहेको अनुमान, अनुसन्धान भइरहेको रेडक्रसको भनाई
रुस–युक्रेन युद्धमा ५० हजार व्यक्ति हराइरहेको घटना सार्वजनिक भएको छ । ति हराइरहेका र वेपत्ता भएका व्यक्तिहरुको अवस्थाबारे अनुसन्धान भइरहेको रेडक्रसले बताएको छ ।
युक्रेनमा विगत तीन वर्षदेखि जारी रुसी युद्धमा ‘बेपत्ता पारिएका करिब ५० हजार व्यक्ति’ को अवस्था के भयो भनेर पत्ता लगाउने प्रयास भइरहेको रेडक्रसले बताएको हो ।
रेडक्रसको अन्तर्राष्ट्रिय समिति (आइसिआरसी) ले पनि करिब १६ हजार युद्धबन्दी र दुवै पक्षबाट हिरासतमा रहेका सर्वसाधारणका बारेमा जानकारी गराइएको जनाएको छ ।
फेब्रुअरी २०२२ मा युक्रेनमा रुसले पूर्ण रूपमा आक्रमण गरेको केही समयपछि आईसीआरसीले द्वन्द्वमा हराइरहेका दुवै पक्षका नागरिकहरूको खोजीगर्न सीटीए को एक विशेष विभाग गठन गरेको थियो ।
“सन् २०२४ को फेबु्रअरीदेखि अहिलेसम्म हराएका व्यक्तिको सङ्ख्या दोब्बरभन्दा बढीले बढेको छ ।
यो सङ्ख्या अहिलेसम्म करिब ५० हजार पुगेको छ सीटीए विभागका प्रमुख दुसान वुजासानिनले जेनेभामा पत्रकारसँग भनेका छन ।
एक वर्षपहिले विभागले युद्धमा बेपत्ता भएका करिब २३ हजार व्यक्तिको भविष्य पत्ता लगाउने प्रयास गरिरहेको बताएको थियो ।
उनीहरू घरबाट भागेपछि पक्राउ परेका, मारिएका वा सम्पर्कविहीन भएकोले पत्ता लगाउने प्रयास गरिरहेको उसले जनाएको थियो ।
विभागको कामको उद्देश्य बेपत्ता हुनबाट रोक्नु, बेपत्ता भएकाहरूको खोजी गर्नु र उनीहरूका परिवारलाई जतिसक्दो चाँडो जानकारी दिनु हो ।