रुसका ९ सय भन्दाबढी सेनालाई पक्राउ गरिएको युक्रेनको दावी
प्रकाशित मिति : माघ २४, २०८१ बिहीबार
युक्रेनले पश्चिमी रूसी कुर्स्क क्षेत्रमा ९ सय भन्दाबढी रुसी सेनालाई पक्राउ गरिएको दावी गरेको छ । यो पछिल्लो ६ महिनाको लडाइँको तथ्याङक हो ।
युक्रेनी युद्धबन्दीहरूको साटासाट गर्न रुसी सैनिकहरूको पक्राउको संख्या बढाउनु आफ्नो सङ्घर्षरत अपरेसनको मुख्य लक्ष्य रहेको युक्रेनले बताएको छ ।
अपरेसनका क्रममा युक्रेनी सेनाले ९०९ रूसी सैनिकलाई पक्राउ गरी कैदी साटासाटका घटनामा सफलता प्राप्त गरिएको युक्रेनले बताएको छ ।
युक्रेन र रुस करिब तीन वर्षदेखि युद्धमा रहे पनि बन्दी आदानप्रदानमा भने सहकार्य गरिरहेका छन् । युक्रेनले आफ्ना पक्राउ परेका सैनिकहरूलाई फिर्ता ल्याउनलाई प्राथमिकता दिएको छ ।
गत वर्ष युक्रेनी सेनाले कुर्स्क क्षेत्रमा भएका कारबाहीहरूमा सात सयभन्दा बढी रूसी सैनिकलाई पक्राउ गरेको बताएको थियो ।
दोस्रो विश्वयुद्धपछि रुसमा विदेशी सेनाले गरेको सबैभन्दा ठूलो आक्रमणपछि युक्रेनी सेनाले रुसी भूभाग गुमाउँदै आएको छ ।
युक्रेनका सेनाहरूले पूर्वी युक्रेनको अग्रपङ्क्तिमा लगातार प्रगति गरिरहेका छन् ।