निर्वाचनको मिति कानुनमै तोक्ने तयारी
प्रकाशित मिति : पुस २५, २०८१ बिहीबार
निर्वाचनको मिति कानुनमै तोकिने गरी तयारी भएको छ ।
निर्वाचन आयोगका आयुक्त डा जानकीकुमारी तुलाधरले निर्वाचन मिति कानुनमै तोकिने गरी संशोधन प्रक्रिया अघि बढेको जानकारी दिनुभयो ।
निर्वाचन आयोग नेपालले विराटनगरमा आयोजना गरेको कार्यक्रममा उहाँले निर्वाचनको मिति कानुनमा उल्लेख भएमा समयमा निर्वाचन सम्पन्न हुने बताउनुभयो ।
आयुक्त डा तुलाधरले आगामी निर्वाचन २०८४ लाई लक्षित गरी आयोगले कानुन संशोधन प्रक्रियाअघि बढाएको जानकारी दिनुभयो ।
विधेयकको मस्यौदालाई गृह मन्त्रालयले सहमतिका लागि कानुन, न्याय तथा संसदीय मामिला मन्त्रालयमा पठाइसकेकाले संसदको आगामी अधिवेशनमा सूचीकरणमा परेको जानकारी आफूले प्राप्त गरेको उहाँले बताउनुभयो ।
आयोगले महिलाको प्रतिनिधित्व बढाउने खालको व्यवस्था गर्न लागेको जानकारी दिनुभयो ।