गैरकानुनी रूपमा अमेरिकामा प्रवेश गरेका जपेटामाथि महिला हत्याको अभियोग
प्रकाशित मिति : पुस ९, २०८१ मंगलबार
अमेरिकाको न्यूयोर्क अदालतले सबवे ट्रेनभित्र आगो लगाएर महिलाको हत्या गरेको आरोपमा पक्राउ परेका एक व्यक्तिलाईे हत्या अभियोग लगाइएको छ ।
सेबास्टियन जपेटालाई महिलाको लुगा जलाउदै आफ्नो कमिज हल्लाएर आगो थप बल्ने गरि प्रयास गरेको आरोप लगाइएको छ ।
जसका कारण महिला पूर्ण रूपमा आगोमा पोलिएको आपराधिक उजुरीमा उल्लेख छ ।
३३ वर्षीय जपेटामाथि पहिलो र दोस्रो श्रेणीको हत्या र आगजनीको आरोप लगाइएको छ । सोमबार भएको आक्रमणको मामिलामा उनलाई शुक्रबारको अर्को अदालतमा उपस्थिति नहुँदा सम्म हिरासतमा नै राखिनेछ ।
न्यूयोर्क पुलिस आयुक्त जेसिका टिशले आइतबारको घटनालाई कसैले अर्को व्यक्तिलाई गर्न सक्ने सबैभन्दा अमानवीय अपराधमध्ये एक भनेर बताएकी छिन् ।
उनका अनुसार ति महिला ब्रुकलिनस्थित एक स्थिर एफ ट्रेनमा थिइन् । जब एक पुरुषले लाइटर प्रयोग गरेर उनको कपडामा आगो लगाइ दियो केही सेकेन्डमै उनको शरीर पूर्ण रूपमा आगोमा जलेको थियो ।
घटनापूर्व दुवै बीच कुनै कुराकानी नभएको बताइएको छ । प्रहरीका अनुसार ती दुईले एकअर्कालाई चिनेका पनि थिएनन्।
जपेटा सन् २०१८ मा गैरकानुनी रूपमा अमेरिकामा प्रवेश गरेका थिए । उनलाई गिरफ्तार गरी फिर्ता पठाइएको थियो । तर उनी पुनः गैरकानुनी रूपमा अमेरिकामा फर्किएका थिए ।