इरानी राष्ट्रपति र विदेशमन्त्री सवार हेलिकप्टर दुर्घटना भएको स्थान फेला
प्रकाशित मिति : जेष्ठ ६, २०८१ आईतबार
IRAN-AZERBAIJAN-ACCIDENT
इरानी राष्ट्रपति इब्राहिम रायसीको हेलिकप्टर दुर्घटना भएको स्थान फेला परेको छ । इरानको सरकारी सञ्चारमाध्यमका अनुसार दुर्घटनामा परेको हेलिकप्टरमा सवार भएकाहरु जीवितै रहेको कुनै संकेत देखिएको छैन ।
समाचार एजेन्सी रोयटर्सका अनुसार एक इरानी अधिकारीले दुर्घटनामा हेलिकप्टर पूर्ण रुपमा जलेको बताएका छन् ।
इरानको सरकारी मिडियाका अनुसार राहत तथा उद्धार टोली केही समयभित्रै दुर्घटनास्थलमा पुग्नेछ । इरानी सञ्चारमाध्यमले बाहिर आएको जानकारी अनुसार अवस्था राम्रो नभएको दाबी गरेको छ ।
इरानको सरकारी सञ्चारमाध्यमका अनुसार दुर्घटनास्थल हार्ड ल्यान्डिङको अपेक्षा गरिएको ठाउँबाट करिब दुई किलोमिटर टाढा छ।
आइतबार इरानी राष्ट्रपति इब्राहिम रायसी र विदेशमन्त्री होसेन अमिर अब्दुल्लाहियान चढेको हेलिकप्टर दुर्घटनामा परेको थियो ।
हेलिकप्टरमा इरानका गृहमन्त्री अहमद वाहिदी, राष्ट्रपति रायसी र विदेशमन्त्री पनि सवार थिए । दुर्घटनापछि ठूलो परिमाणमा खोजी कार्य भइरहेको छ । – बीबीसी हिन्दीबाट