अमेरिकाले भन्यो : रुसी तेलको खरिद घटाउन भारतलाई भनिएको छैन
प्रकाशित मिति : चैत्र २२, २०८० बिहीबार
रूससँगको तेल खरिद घटाउन भारतलाई आग्रह नगरेको अमेरिकाले बताएको छ । अमेरिकी ट्रेजरी डिपार्टमेन्टका वरिष्ठ अमेरिकी अधिकारीहरूले भारतलाई रूसबाट तेल आयात रोक्न वा घटाउन आग्रह नगरेको बताउनु भएको हो । कच्चा तेल खरिद र प्रशोधनका लागि कुनै पनि संस्थालाई प्रतिबन्ध नलगाएको उहाँले दाबी गर्नुभयो ।
जी ७, युरोपेली संघ र अष्ट्रेलियाले रूसी तेलको मूल्य मापनको दोस्रो चरणमा केन्द्रित सत्रमा उहाँले भन्नुभयो , ‘रूससँग कुनै पनि व्यापार गर्न सकिँदैन भनेर निर्देशन दिइएको छैन । सोही कार्यक्रममा आर्थिक नीतिका सहायक सचिव एरिक भान नोस्ट्राण्डले रूसी तेलको मूल्य सीमा लागू गर्ने भारतको निर्णयको स्वागत गर्दै उक्त निर्णयबाट रूसले भारतलगायत अन्य देशलाई सहुलियत दरमा तेल बेचेको बताउनु भयो ।
उहाँले रूसी राष्ट्रपति भ्लादमिर पुटिनलाई संकेत गर्दै , ‘अनिवार्य रूपमा भारत र अन्य साझेदारहरूको लागि छुट मूल्यमा रूसी तेल पहुँच गर्न एक संयन्त्र सिर्जना गरेर इन्धन मूल्य सीमाको लक्ष्य पुटिनको राजस्व सीमित गर्नु र विश्वव्यापी तेल आपूर्ति पनि कायम राख्नु हो ’ भन्नुभयो ।
अमेरिकी अर्थमन्त्रालयले यही वर्षको फेब्रुअरीमा रूसी तेलको मूल्य सीमासम्बन्धमा जारी गरेको वक्तव्यमा भनिएको थियो, ‘संयुक्त राज्य अमेरिका, जी–७, युरोपेली संघ र अष्ट्रेलियासहितका देशहरूको अन्तर्राष्ट्रिय गठबन्धन इन्धनमा सीमा निर्धारणका लागि बनेको गठबन्धनको एक हिस्सा हो, जसले कच्चा तेल र रूसी संघ मूलको पेट्रोलियम उत्पादनको आयातमा प्रतिबन्ध लगाउन सहमत भएका छन्।’
‘प्राइस क्याप कोलिसन’ मा संलग्न राष्ट्र तथा संघसंस्थाहरू रूसी तेलको समुद्री यातायातसँग सम्बन्धित सेवाहरूको विस्तृत दायरालाई प्रतिबन्धित गर्न पनि सहमत भएका छन्’, विज्ञप्तिमा भनिएको छ। एजेन्सीहरु