आईपीएल- २०२४ मा दिल्लीको पहिलो जीत, चेन्नई २० रनले पराजित, १६ बलमा धोनीको ३७ रन
India IPL Cricket
आईपीएल २०२४ मा दिल्ली क्यापिटल्सको खाता खोलिएको छ । डा. वाई.एस. राजशेखर रेड्डी एसीए–भीडीसीए क्रिकेट स्टेडियममा भएको खेलमा दिल्ली क्यापिटल्सले चेन्नई सुपर किंग्सलाई २० रनले पराजित गरेको हो ।
दिल्लीको पहिलो जितसँगै चेन्नईको यो सिजनमा पहिलो हार हो। टस जितेर पहिले ब्याटिङ गरेको दिल्लीले ५ विकेट गुमाएर १९१ रन बनाएको थियो । चेन्नईको सुरुआत खराब रह्यो र उत्कृष्ट प्रयासका बाबजुद टोलीले ६ विकेटमा १७१ रन मात्रै बनाउन सक्यो ।
सिजनमा पहिलो पटक ब्याटिङ गर्न आएका धोनीले १६ बलमा ३७ रन बनाएका थिए । दिल्लीले सन् २०२१ को सिजनपछि चेन्नईलाई पहिलोपटक हराएको छ ।
डेभिड वार्नर (५२ रन) र पृथ्वी शा (४३ रन) बीच पहिलो विकेटका लागि ९३ रनको साझेदारीपछि कप्तान ऋषभ पन्त (५१ रन)को अर्धशतकीय सहयोगमा दिल्ली क्यापिटल्सले ठूलो स्कोर बनाउन सफल भयो । पन्तको ३२ बलमा चार चौका र तीन छक्का प्रहार गरिएको अर्धशतक आकर्षणको केन्द्रबिन्दु बनेको थियो ।
फर्ममा रहेका वार्नरले ३५ बलको इनिङ्समा पाँच चौका र तीन छक्का प्रहार गरे। शृंखलाको पहिलो खेल खेल्दै आएका पृथ्वीले फेरि पनि आफ्नो आक्रामक ब्याटिङको याद दिलाएका छन् । उनले २७ बलमा ४३ रनको पारीमा दुई छक्का र चार चौका प्रहार गरे।
यसअघि तुषार देशपाण्डेले आफ्नो ‘भ्यारिएशन’को राम्रो सदुपयोग गर्दै पहिलो दुई ओभरमा ८ रन मात्र दिएका थिए भने पावरप्लेमा तीन ओभर बलिङ गरेका दीपक चाहरमा दिल्लीका ओपनरले धेरै रन बनाएका थिए । वार्नरले उनलाई लेग साइडमा दुई चौका प्रहार गरे । पाँचौं ओभरमा दोस्रो छक्का लगाएपछि उनले दुई चौका प्रहार गरेपछि दिल्लीको टोलीले यो ओभरमा १८ रन बनाएको थियो ।
शाले पनि मुस्ताफिजुर रहमानमा लगातार तीन चौका प्रहार गरे जसका कारण दिल्ली क्यापिटल्सले पावरप्लेमा कुनै पनि विकेट नगुमाई ६२ रन बनाएर यस आईपीएलको उत्कृष्ट स्कोर बनाएको थियो ।
वार्नरले ३२ बलमा आफ्नो अर्धशतक पूरा गरे। तर, मुस्ताफिजुर रहमानले वार्नरको रूपमा सीएसकेलाई पहिलो विकेट दिए, जसको शानदार क्याच पाथिरानाले लिए। शले अर्को छक्का प्रहार गर्दै दिल्लीलाई १०० रन पार गरे तर अर्को बलमा जडेजाले उनलाई आउट गरे। दुवै ओपनर आउट भएपछि रन रेट घट्यो ।
त्यसपछि पाथिरानाले उत्कृष्ट प्रदर्शन गर्दै मार्सको मिडल स्टम्पलाई उखेलेर तीन बलको अन्तरालमा ट्रिस्टन स्टब्सलाई आउट गर्दै दिल्ली क्यापिटल्सको स्कोर १५ ओभरमा चार विकेट गुमाएर १३४ रनमा पुर्याए। डेथ ओभरमा पन्तको ब्याटिङले दिल्लीलाई १९१ रनमा पुर्यायो। पाथिरानाले तीन विकेट लिए ।