आईपीएल-२०२४ को तेस्रो खेलमा कोलकाताले हैदराबादलाई ४ रनले हरायो
प्रकाशित मिति : चैत्र १०, २०८० शनिबार
Sunil Narine of Kolkata Knight Riders appealing for the wicket of Abdul Samad of Sunrisers Hyderabad during match 3 of the Indian Premier League season 17 (IPL 2024) between Kolkata Knight Riders and Sunrisers Hyderabad held at the Eden gardens Stadium, Kolkata on the 23rd March 2024. Photo by Saikat Das/ Sportzpics for IPL
इन्डियन प्रिमियर लिग- २०२४ को तेस्रो खेलमा कोलकाता नाइट राइडर्स (केकेआर) ले सनराइजर्स हैदराबाद (एसआरएच) लाई ४ रनले पराजित गरेको छ ।
टस हारेर पहिले ब्याटिङ गरेको कोलकाता ले २० ओभरमा ७ विकेट गुमाएर २०८ रन बनाएको थियो ।
कोलकाता नाइट राइडर्सले दिएको २०९ रनको लक्ष्य पछ्याउने क्रममा सनराइजर्स हैदराबादले २० ओभरमा ७ विकेट गुमाएर २०४ रन मात्रै बनाउन सक्यो ।
हेनरिक क्लासेनले २९ बलमा ८ छक्का प्रहार गरी ६३ रनको उत्कृष्ट इनिङ खेले पनि आफ्नो टोलीलाई जित दिलाउन सकेनन् ।
इडेन गार्डेन रंगशालामा भएको खेलमा कोलकाताको जितमा आन्द्रे रसेल नै नायक बने । उनले २५ बलमा अविजित ६४ रनको विस्फोटक इनिङ खेलेका थिए भने दुई विकेट पनि लिएका थिए ।
आन्द्रे बाहेक फिल साल्टले ५४ रन बनाए । रमनदीप सिंहले ३५ र रिंकु सिंहले २३ रनको योगदान दिए । टी नटराजनले तीन विकेट लिए ।
जवाफी इनिङ्समा हैदरावादका ओपनर अभिषेक शर्मा र मयंक अग्रवालले ३२–३२ रन बनाएका थिए । शाहबाज अहमदले ५ बलमा १६ रनको योगदान दिए । हर्षित राणाले ३ विकेट लिए ।
शनिबारको पहिलो खेलमा पञ्जाब किंग्सले दिल्ली क्यापिटल्सलाई ४ विकेटले पराजित गरेको थियो ।