कोलकाताले हैदरावादलाई दियो जीतको लागि २०९ रनको लक्ष्य, रसेलले बनाए ६४ रन
प्रकाशित मिति : चैत्र १०, २०८० शनिबार
Andre Russell of Kolkata Knight Riders hitting a over boundary during match 3 of the Indian Premier League season 17 (IPL 2024) between Kolkata Knight Riders and Sunrisers Hyderabad held at the Eden gardens Stadium, Kolkata on the 23rd March 2024. Photo by Saikat Das/ Sportzpics for IPL
इन्डियन प्रिमियर लिग- २०२४ को तेस्रो खेलमा कोलकाता नाइट राइडर्स (केकेआर)ले सनराइजर्स हैदराबाद (एसआरएच) लाई जितको लागि २०९ रनको लक्ष्य दिएको छ ।
शनिबार सनराइजर्स हैदरावादका कप्तान प्याट कमिन्सले कोलकाता नाइट राइडर्सविरुद्ध टस जितेर पहिले फिल्डिङ गर्ने निर्णय गरेका थिए ।
टस हारेर पहिले ब्याटिङ गरेको कोलकाता ले २० ओभरमा ७ विकेट गुमाएर २०८ रन बनाएको थियो ।
कोलकाताका लागि आन्द्रे रसेलले इडेन गार्डेन स्टेडियममा २५ बलमा अविजित ६४ रनको विस्फोटक इनिङ खेले भने फिल साल्टले ४० बलमा ३ चौका र ३ छक्काको मद्दतले ५४ रन बनाए । रमनदीप सिंहले ३५ र रिंकु सिंहले २३ रनको योगदान दिए ।
टी नटराजनले तीन विकेट लिए । मयंक मार्कण्डेले दुई सफलता हात पारे । प्याट कमिन्सले एक विकेट लिए ।
यसअघि सुनिल नारायण २ रन बनाएर आउट भएका थिए ।
आजको पहिलो खेलमा पञ्जाब किंग्स विजयी भएको छ । मोहालीमा आयोजक टोलीले दिल्ली क्यापिटल्सलाई ४ विकेटले पराजित गरेको हो ।