जब हार्दिक पाण्ड्या र रोहित शर्माले एकअर्कालाई अंगालो हाले… (भिडियो)
प्रकाशित मिति : चैत्र ८, २०८० बिहीबार
हार्दिक पाण्ड्या र रोहित शर्माबीचको सम्बन्धमा तिक्तता बढेको हल्लाका बीच मुम्बई इन्डियन्सको क्याम्पमा हार्दिक र शर्माले एकअर्कालाई अँगालो हालेको भिडियो यतिबेला भाइरल बनेको छ । रोहित शर्माको स्थानमा हार्दिक पाण्ड्यालाई मुम्बई इन्डियन्सको नयाँ कप्तान बनाइएपछि दुई बीचको सम्बन्धमा तिक्तता बढेको चर्चा चालेको थियो ।
ब्याट्सम्यानको भूमिकाको मजा लिन सकून् र धेरै रन बनाएर टोलीलाई जित दिलाउन सकुन भन्दै रोहित शर्मालाई कप्तानको जिम्मेवारीबाट मुक्त गरिएको थियो । रोहित क्रिकेटबाट केही ब्रेकपछि सोमबार मुम्बई इन्डियन्सको क्याम्पमा सामेल भएका थिए । उनी फर्किएपछि नेटमा पसिना बगाएका थिए ।
मुम्बई इन्डियन्सको क्याम्पमा अभ्यास खेलअघि दुवै खेलाडीले एकअर्कालाई अँगालो हालेका थिए र यो क्षण मुम्बई इन्डियन्सको क्यामेरामा कैद गरी सामाजिक सञ्जालमा सेयर गरिएको थियो । यो भिडियो केही क्षणमै भाइरल बन्यो ।
मुम्बई इन्डियन्सको टोली अलिबाग पुग्दा पनि हार्दिक पाण्ड्या र रोहित शर्माबीचको विवादले गति लिएको थियो । रोहित शर्मा यस टिम बन्डिङ सत्रमा देखिएनन् । रोहित शर्माले थप अभ्यास गर्ने मनसायले यो निर्णय लिएको हुन सक्ने बताइएको छ । रोहित शर्मालाई कप्तानीबाट हटाएपछि मुम्बई इन्डियन्सको माहोल तनावपूर्ण देखिएको छ ।
रोहित शर्मालाई कप्तानबाट हटाउनुको कुनै ठोस कारण भने बाहिर आएको छैन । मुम्बई इन्डियन्सले आईपीएल २०२४ मा गुजरात टाइटन्सविरुद्ध मार्च २४ मा आफ्नो पहिले खेल खेल्दैँछ ।
𝟰𝟱 🫂 𝟯𝟯#OneFamily #MumbaiIndians | @hardikpandya7 @ImRo45 pic.twitter.com/eyKSq7WwCV
— Mumbai Indians (@mipaltan) March 20, 2024