वुमन प्रिमियर लिगको उपाधी आरसीबीलाई, फाइनलमा दिल्ली ८ विकेटले पराजित
प्रकाशित मिति : चैत्र ४, २०८० आईतबार
वुमन प्रिमियर लिग (डब्ल्यूपीएल)- २०२४ ले आइतबार नयाँ च्याम्पियन पाएको छ । फाइनलमा रोयल च्यालेन्जर्स बैंग्लोरले दिल्लीलाई ८ विकेटले पराजित गर्दै विजयी भएको हो ।
फाइनल खेलमा दिल्ली क्यापिटल्सकी कप्तान मेग ल्यानिङले टस जितेर पहिले ब्याटिङ गर्ने निर्णय गरेकी थिइन् । फाइनल खेलमा श्रेयांका पाटिल र मोलिनक्सको उत्कृष्ट बलिङका कारण दिल्लीको इनिङ्स १८.३ ओभरमा ११३ रनमा समेटिएको थियो । श्रेयंका पाटिलले चार विकेट लिएकी थिइन् ।
दिल्लीले दिएको ११४ रनको लक्ष्य पछ्याउने क्रममा आरसीबीले सुस्त तर स्थिर सुरुवात गर्यो । मन्धना र सोफी डेभिनबीच पहिलो विकेटका लागि ४९ रनको साझेदारी भयो। सोफीले ३२ रन बनाइन् । कप्तान स्मृति मन्धानाले ३१ रनको योगदान दिएकी थिइन् । यसपछि एलिस पेरीले अविजित ३५ र ऋचा घोषले अविजित १७ रन बनाएर खेल जितिन् । मिन्नु र शिखाले एक–एक विकेट लिए ।