युक्रेनको समर्थनमा वाइफाइको नाम राखेपछि रुसी विद्यार्थीलाई जेल सजाय
प्रकाशित मिति : फाल्गुन २७, २०८० आईतबार
रुसको राजधानी मस्कोको एक अदालतले त्यहाँका एक विद्यार्थीलाई १० दिनको जेल सजाय सुनाएको छ ।
युक्रेनको समर्थनमा आफ्नो वाइफाइको राखेका दिएका कारण उनलाई यो सजाय दिइएको हो ।
मस्को स्टेट युनिभर्सिटीका यी विद्यार्थीले आफ्नो वाइफाइ नेटवर्कको नाम ‘स्लाभा युक्रेन !’ (युक्रेनको जय होस्) राखेका थिए ।
जसका कारण मस्कोको एक अदालतले उनलाई ‘चरमपन्थी संगठनको प्रतीक’ देखाएकोमा दोषी ठहर गरेको छ ।
करिब दुई वर्षअघि रुसले युक्रेनमा आक्रमण सुरु गरेदेखि रुसका हजारौं मानिसहरूलाई आक्रमणको आलोचना गरेको वा युक्रेनलाई समर्थन गरेकोमा जेल वा जरिवानाको सजाय सुनाइएको छ।
अधिकारीहरूलाई नेटवर्कको नाम बताएपछि एक प्रहरी अधिकारीले बुधबार बिहान मस्कोमा विद्यार्थीलाई पक्राउ गरेका थिए ।
अदालतका कागजातहरूका अनुसार अधिकारीहरूले विश्वविद्यालयको छात्रावासमा उनको कोठाको निरीक्षण गरे र उनको व्यक्तिगत कम्प्युटर र वाइफाइ राउटर जफत गरेका थिए ।
युक्रेनी समर्थकहरूले लगाउने नारा ‘स्लाभा युक्रेन !’ नारा निकै चर्चित छ । यो नारा रुसी आक्रमण विरुद्ध जुलुसमा अक्सर सुनिन्छ ।