युवाहरुलाई अपराधबाट जोगाउन न्युजिल्याण्डले सैन्य एकेडेमी चलाउने
प्रकाशित मिति : फाल्गुन २२, २०८० मंगलबार
न्युजिल्यान्ड सरकारले युवाहरूमा देखिन सक्ने पुन अपराधको जोखिम कम गर्न युवा अपराध विरुद्ध सैन्य एकेडेमीहरू विकास गर्ने योजना बनाएको छ ।
बालबालिका मन्त्री करेन छौरले यस बारे जनाकारी दिनु भएको छ ।
विभिन्न कारणले युव पुस्ता गम्भीर र निरन्तर अपराधको शृङ्खलामा फसिरहेको पाइएकाले त्यसलाई नियन्त्रण गर्न सैन्य शैलीका एकेडेमीहरूको स्थापना गर्ने र अपराध विरुद्ध विभिन्न किसिमका सचेतनामूलक गतिविधि सञ्चालन गर्ने सरकारको तयारी छ ।
सैन्य शैलीको एकेडेमी यस वर्षको मध्यदेखि सञ्चालन हुनेछ जसमा युवाहरूलाई अज्ञानता र उत्तेजनाका कारण कुलत र अपराधमा फस्ने र पटकपटक अपमानित हुने जोखिम कम गर्न मद्दत गर्नका लागि सैन्य कम्पोनेन्टका साथै पुनर्वास र आघात सूचनायुक्त हेरचाह लगायतका विषय समावेश हुनेछन् । यस्ता कार्यक्रमले थुप्रै युवा अपराधीहरूका जीवनमा अनुशासित र संरचित वातावरणका साथ वास्तविक परिवर्तन प्रदान गर्नेछ ।