हमासको आक्रमणमा २२ इजरायली मारिए
प्रकाशित मिति : आश्विन २०, २०८० शनिबार
![](https://i0.wp.com/www.khasokhas.com/wp-content/uploads/2023/10/Israel-Palestinians.jpg?fit=1024%2C624&ssl=1)
इजरायली आपतकालीन सेवाहरूका अनुसार हमासको आक्रमणमा कम्तीमा २२ इजरायली मारिएका छन्।
अस्पतालमा सयौंको उपचार भइरहेको छ । इजरायलको स्वास्थ्य मन्त्रालयले कम्तीमा ५४५ जना घाइते भएको जनाएको छ ।
चरमपन्थी संगठन हमासले इजरायलमा आकाशदेखि जमिनसम्म आक्रमण गरेको छ । हमासले इजरायलमा सात हजारभन्दा बढी रकेट प्रहार गरेको दाबी गरेको छ ।
इजरायलका प्रधानमन्त्री बेन्जामिन नेतान्याहुले यो युद्ध रहेको र शत्रुहरूले यसको ठूलो मूल्य चुकाउनु पर्ने बताएका छन् ।
समाचार एजेन्सी रोयटर्सका अनुसार प्यालेस्टिनी राष्ट्रपति महमूद अब्बासले आफ्ना जनतालाई आफ्नो रक्षा गर्ने अधिकार रहेको बताएका छन् ।