पूर्वप्रधानसेनापति कटवाल आइसियूमा
प्रकाशित मिति : माघ १९, २०७९ बिहीबार
नेपाली सेनाका पूर्वप्रधानसेनापति रूकमांगद कटवाल अस्पताल भर्ना भएका छन् ।
दुवै मिर्गौला फेल भएर डाइलसिस गराउँदै आएका कटवालको स्वास्थ्यमा थप समस्या देखिएपछि छाउनीस्थित सैनिक अस्पतालको आइसियूमा राखिएको हो ।
नेपाली सेनाका प्रवक्ता सहायक रथी कृष्णप्रसाद भण्डारीले पूर्वप्रधानसेनापति कटवाल एक हप्तादेखि आइसियूमा रहेको पुष्टि गरे । “मिर्गौलामा समस्या देखिएपछि हप्ताको दुई दिन डाइलसिस गराउँदै आउनुभएको थियो । पल्मनेरी ह्यामरेज भएपछि आइसियूमा राखिएको छ । एक हप्तादेखि उहाँ आइसियूमा हुनुहुन्छ । अवस्था स्थिर रहेको उपचारमा संलग्न चिकित्सकले जानकारी दिनुभएको छ,” उनले भने ।
कटवाल २०६३ भदौ २४ गतेदेखि नेपाली सेनाको प्रधानसेनापति भएका थिए ।