अमेरिका: टायरी निकोल्सको मृत्युपछि प्रहरीको स्कर्पियन युनिट विघटन
प्रकाशित मिति : माघ १५, २०७९ आईतबार
अमेरिकाको टेनेसी राज्यको मेम्फिस सहरको प्रहरीले आफ्नो स्कर्पियन (SCORPIAN) विशेष इकाईलाई विघटन गरेको छ । प्रहरीको कुटपिटबाट अश्वेत व्यक्ति टायरी निकोल्सको मृत्यु भएपछि भएको आलोचनापछि यो निर्णय गरिएको हो । एक जारी विज्ञप्ति गर्दै पुलिसले भनेको छ, ‘यो टोलीलाई स्थायी रूपमा निष्क्रिय पार्नु सबैको हितमा छ। केही व्यक्तिहरूको क्रूर कार्यहरूले स्कर्पियन्सलाई बदनाम बनाएर छोडेको छ। त्यसैले, हामी, मेम्फिस पुलिस विभागले ती सबैलाई जवाफ दिनु आवश्यक छ।’
स्ट्रीट क्राइम्स ऑपरेशन टू रिस्टोर पीस इन आवर नेबरहुड्स मा ५० जनाको प्रहरी टोली हुन्छ । यो टोलीको उद्देश्य कुनै खास क्षेत्रमा अपराध न्यूनीकरण गर्ने हो । यसअघि सार्वजनिक भएको एउटा भिडियोमा केही प्रहरी अधिकारीले २९ वर्षीय अश्वेत व्यक्ति टायरी निकोल्सलाई कुटपिट गरेको देखिएका थिए। त्यो भिडियो ७ जनवरीको रहेको बताइएको छ ।
कार चोरी र अन्य ठूला अपराध नियन्त्रण गर्न १५ महिनाअघि अक्टोबर २०२१ मा स्कर्पियन युनिट गठन गरिएको थियो। प्रहरी विभागले गत हप्ता टायरी निकोल्सलाई कुट्ने पाँच प्रहरी अधिकारीहरूलाई बर्खास्त गरेको थियो ।