रुसी विदेशमन्त्री सर्गेईको आरोप, ‘पश्चिमा मुलक उदीयमान बहुध्रुवीय विश्वको प्रक्रियालाई उल्टाउन खोजिरहेका छन्´


प्रकाशित मिति : माघ १४, २०७९ शनिबार

रुसी विदेशमन्त्री सर्गेई लाभरोभले अफ्रिकी देशहरूको भ्रमणको क्रममा पश्चिमी देशहरूले उदीयमान बहुध्रुवीय विश्वको प्रक्रियालाई उल्टाउन खोजिरहेको आरोप लगाएका छन् ।  यस क्रममा उनले बहुध्रुवीय इतिहासको घडी सही दिशामा अघि बढेको बताएका छन् । रूसको टास समाचार एजेन्सीले लाभरोभलाई उद्धृत गर्दै भनेको कछ, बहुध्रुवीय संसारको उदय ‘उद्देश्यपूर्ण र रोक्न नसकिने प्रक्रिया’हो जुन हुनेछ।

रुसी विदेशमन्त्रीले टर्की, इजिप्ट, ब्राजिल र ल्याटिन अमेरिकी तथा फारसको खाडी नजिक रहेका देशको उदयसँगै चीन र भारतको तीव्र विकासको उल्लेख गरेका छन् ।

उनले विश्व बहुध्रुवीय विश्वलाई आकार दिन पाँच देशको संगठन ‘ब्रिक्स’को भूमिका महत्वपूर्ण रहेको बताए । सर्गेई लाभ्रोभले भने, “त्यसैले यसलाई उल्टाउन अमेरिका, नाटो र अमेरिका नियन्त्रित ईयूको सामूहिक प्रयासको बाबजुद पनि बहुध्रुवीय इतिहासको घडी सही दिशामा चलिरहेको छ।”

पश्चिमाका यी तथाकथित प्रयासलाई व्यर्थको संज्ञा दिँदै उनले यो प्रक्रियालाई सुस्त बनाउन सकिने बताए । यस हप्ता, सर्गेई लाभरोभले भारतको स्वतन्त्र विदेश नीतिको प्रशंसा गरे र भने कि यसको विदेश नीति विदेशबाट नियन्त्रण गर्न सकिँदैन।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com