Follow @khasokhasmag

२४ घन्टाको अवरुद्धपछि पाकिस्तानमा विद्युत् सुचारु


प्रकाशित मिति : माघ १०, २०७९ मंगलबार

पाकिस्तानमा बिजुली संकट अब समाप्त भएको छ र आपूर्ति फेरि सुरु भएको छ। पाकिस्तानको ऊर्जा मन्त्रालयका अनुसार २४ घण्टाभित्र देशभरका १११२ पावर ग्रिडहरू पुनःस्थापित गरिएको छ।

यसअघि साँझदेखि नै देशभर विभिन्न चरणमा विद्युत सेवा सुचारु हुँदै आएको थियो ।

पाकिस्तानमा सोमबार बिहानैदेखि विद्युत् सेवा अवरुद्ध भएको थियो । ऊर्जा मन्त्रालयका अनुसार प्रारम्भिक रिपोर्ट अनुसार राष्ट्रिय ग्रिडको सिस्टम फ्रिक्वेन्सी विहान ७ः३४ मा घटेर विद्युत प्रणालीमा व्यापक क्षति पुगेको थियो ।

विद्युत संकटले करिब ४० हजार मोबाइल टावर प्रभावित भएका छन् ।

सामाजिक सञ्जालमा इस्लामावादलगायत धेरै क्षेत्रमा मानिसहरूले मोबाइल सिग्नल कमजोर भएको गुनासो गरिरहे।

केन्द्रीय मन्त्री खुर्रम दस्तगीरले ब्रेकडाउनको कारण पत्ता लगाएर जिम्मेवारी तोक्ने बताएका थिए ।

 

© 2022 KHASOKHAS®. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com