न्युयोर्क सिटीमा वास्तविक हिमपात नभएको ३२० दिन भइसक्यो, बुधबार २ इन्चसम्म हिमपात
प्रकाशित मिति : माघ ९, २०७९ सोमबार
न्युयोर्क सिटीमा वास्तविक हिमपात नभएको आज ३२० दिन भइसक्यो । तर अब बुधबार मौषमविदहरुले हिमपातको अनुमान गरेका छन् ।
राष्ट्रिय मौसम सेवाका अनुसार बुधबार दिउँसो १ बजेसम्म करिब एक देखि दुई इन्चसम्म हिउँ पर्ने अनुमान गरिएको छ। दिउँसोसम्म हिमपात वर्षामा परिणत हुने र हिउको थुप्रो पखाल्ने अपेक्षा गरिएको छ ।
यदि न्युयोर्क सिटीमा हिमपात भएमा न्युयोर्क सिटीमा इतिहासको सबैभन्दा लामोमध्येको एक हिउँविहीन अवधिको अन्त्य हुनेछ । हिउँ नपरेको सबैभन्दा लामो अवधि सन् २०२० मा रेकर्ड गरिएको थियो जब शहरमा शुन्य दशमलव १ इन्च भन्दा माथि हिउँ जम्मा नभएको लगातार ३३२ दिन भएको थियो ।
न्युयोर्क सिटी हिउँ सम्बन्धित अर्को रेकर्ड राख्ने सम्भावना पनि छ । जनवरीमा ढिलो गरी पहिलो हिमपात सन् १९७३ को जनवरी २९ मा भएको थियो । त्यसपछि सम्भवत अर्को रेकर्ड बुधबार कायम हुनेछ ।
जनवरीको असामान्य रूपमा तातो तापक्रमका कारण हिउँको अभाव भएको राष्ट्रिय मौषम सेवाले जनाएको छ । जनवरीको पहिलो आधा सिटीमा रेकर्डमा तेस्रो सबैभन्दा तातो थियो जतिबेला औसत तापमान ४४ डिग्री फरेनहाइट थियो । यो औसत भन्दा लगभग १० डिग्री बढी हो ।
जलवायु परिवर्तनका धेरै प्रभावहरू मध्ये एक सन् १९७० को दशकदेखि अमेरिकामा देशभरि जाडो मौषममा न्यानोपन बढिरहेको छ ।