अमेरिकामा मुद्रास्फीति प्रभाव: सबैतिर मूल्यबृद्धि हुँदा आइतबार हुलाक टिकटको मूल्य बढ्ने
प्रकाशित मिति : माघ ७, २०७९ शनिबार
अमेरिकामा झण्डै १७ महिनामा आइतबार तेस्रो पटक हुलाक टिकटको मूल्य बढाइदै छ । सर्टिफाइड पत्र र बीमा गरिएका प्याकेजहरू पठाउन पनि लागतहरू बढाइने भएको छ ।
मुद्रास्फीतिले लगभग सबै चीजहरूको मूल्य उच्च भइरहेको अवस्थामा अमेरिकी हुलाक सेवाले लगभग फस्ट क्लास मेलमा ४ दशमलव २ प्रतिशत मूल्य बृद्धि गर्नेछ । मुद्रास्फीतिमा भएको वृद्धिलाई समायोजन गर्नका लागि यो मूल्यबृद्धि गरिएको हो ।
जनवरी २२ देखि लागू हुने गरी युएसपीएसले मनी अर्डर शुल्क र पोष्ट बक्सको भाडा शुल्क पनि बढाउनेछ। नयाँ दरहरू अनुशार १ आउन्स पत्रको लागि हुलाक टिकट ६० सेन्टबाट बढाएर ६० सेन्ट बनाइनेछ ।
मिटर गरिएको १ आउन्सको पत्रहरुको टिक ५७ सेन्टबाट ६० सेन्ट बनाइनेछ । अमेरिकाभित्रै पठाइएका पोष्टकार्डहरूको टिकट ४४ सेन्टबाट ४८ सेन्ट बनाइएको छ । अन्तर्राष्ट्रिय पोस्टकार्ड र १ आउन्सका पत्रमा ५ सेन्टस बढाएर १ डलर ४५ सेन्टस बनाइएको छ ।
हुलाक र अन्य शुल्कहरूको अतिरिक्त रहेको सर्टिफाइड मेल शुल्क ४ डलरबाट बढाएर ४ डलर १५ सेन्टस बनाइएको छ । प्राप्त गर्दा वयस्कको हस्ताक्षर चाहिने पत्रको शुल्क १० डलर ३५ सेन्टसबाट बढाएर १० डलर ८० सेन्टस बनाइएको छ ।
हुलाक सेवाले पहिलो पटक सन् २००७ मा फरेभर टिकटहरू बेच्न थाल्दा मूल्य ४० सेन्टस रहेको थियो । सन् २०२२ को जुलाईको टिकटको मूल्य ६० सेन्टस बनाइएको थियो ।