यौन दुर्व्यवहारको आरोपमा ब्राजिलका फुटबल स्टार ड्यानी अल्भेस पक्राउ
प्रकाशित मिति : माघ ६, २०७९ शुक्रबार
डिसेम्बरमा बार्सिलोनाको एक क्लबमा यौन दुव्र्यवहार गरेको आशंकामा स्पेनिस प्रहरीले ब्राजिलियन फुटबलर ड्यानी आल्भेसलाई पक्राउ गरेको छ । ३९ वर्षीय ब्राजिल ड्यानीलाई स्पेनको बार्सिलोना सहरमा सोधपुछ भइरहेको छ ।
ड्यानी अल्भेसले यस शहरमा वर्षौंदेखि क्लब फुटबल खेलेका छन्। अहिले उनी मेक्सिकोको क्लबबाट खेल्छन्। उनले आफूमाथि लगाइएका सबै आरोप अस्वीकार गरेका छन् ।
स्पेनिस मिडियामा आएको खबर अनुसार यो कथित यौन हिंसा डिसेम्बर ३०-३१ को राति बार्सिलोनाको क्लबमा भएको थियो । ड्यानी अल्भेसले स्पेनको एक निजी न्यूज च्यानललाई भनेका छन्, उनी त्यो रात क्लबमा थिए तर उनले त्यहाँ आरोप लगाउने महिलालाई देखेनन्।
“म त्यो क्लबमा थिएँ। सबैलाई थाहा छ मलाई नाच्न मन पर्छ तर मैले कसैको गोपनीयतामा हस्तक्षेप गरेको छैन,” दानीले एन्टेना-३ नामक च्यानललाई भने।
अल्भेस अहिले मेक्सिकोको पुमास उनम नामक क्लबबाट खेल्छन्। कतारमा भएको विश्वकपपछि उनी बार्सिलोनामा बिदा मनाउँदै थिए । ड्यानी कतार विश्वकपमा ब्राजिलको प्रतिनिधित्व गर्ने सबैभन्दा पाका खेलाडी थिए।