अमेरिकाको सबैभन्दा खुशी राज्य युटाह, दुखी राज्य क्यालिफोर्निया, तपाई कता ?
प्रकाशित मिति : माघ ५, २०७९ बिहीबार
हाउसफ्रेसले अमेरिकाका सबैभन्दा खुशी र बेखुशी राज्य र सिटीहरुको सुची तयार पारेको छ । माइक्रोसफ्टको अनुहार पहिचान एपीआईको प्रयोग गरेर इन्स्टाग्राम सेल्फीहरूको डाटाबेसका आधारमा खुशी र बेखुशी राज्यहरुको सुची तयार पारिएको हो ।
खुशी र मुस्कान दुबैलाई तुलना गरेर यो सुची निकालिएको हो । किनभने हरेक मुस्कानले खुशीलाई संकेत गर्दैन र हरेक खुसी व्यक्ति मुस्कुराउँदैन। धेरै खुसी पुरुषहरूले सेल्फीमा मुस्कान नराख्ने छनौट गर्छन् । संसारका केही सफल व्यक्तिहरूले आफ्नो मुस्कानलाई आफ्नो ओठलाई थोरै बटारेर खुवाउनको लागि पर्खिरहेको बच्चा चरा जस्तै बनाउँछन् ।
यसरी आर्टिफिसियल इन्टेलिजेन्सका आधारमा तयार पारिएको सुचीमा सबैभन्दा खुशी राज्यको पहिलो नम्बरमा युटाह रहेको छ । अर्थात् यो सबैभन्दा खुसी अमेरिकी राज्य हो । अचम्मको कुरा क्यालिफोर्निया सबैभन्दा बेखुशी राज्यमा रहेको छ । अर्थात् त्यहाँ सबैभन्दा कम खुशी र कम मुस्कान छ ।
सबैभन्दा बेखुशी राज्यको टपटेनमा पहिलो क्यालिफोर्निया, दोश्रो न्युजर्सी, तेश्रो पेन्सिलभेनिया, चौथो इन्डियाना, पाँचौं लुजियाना, छैठौं जर्जिया, सातौं न्यु मेक्सिको, आठौं कनेक्टिकट, नवौं मेरिल्याण्ड र दशौंमा मासाचुसेट्स रहेको छ ।
त्यस्तै सबैभन्दा खुशी राज्यको टपटेनमा पहिलो युटाहसँगै दोश्रो विसकन्सिन, तेश्रो नेब्रास्का, चौथो भर्मोन्ट, पाँचौं आयोवा, छैठौं वायोमिंग, सातौं कोलोराडो, आठौं नर्थ डाकोटा, नवौं वासिंटन र दशौं आइदायो रहेका छन् ।
न्युयोर्कको खुशी राज्यको सुचीमा २६ औं स्थानमा छ भने टेक्सास ३३ औं स्थानमा रहेको छ । राज्यका हिसाबले सबैभन्दा पछाडि रहेपनि क्यालिफोर्नियाको कनकर्ड भने सबैभन्दा खुशी सिटीमा पहिलो स्थानमा छ । सबैभन्दा बेखुशी सिटी भने मायामीको डेट्रोइट रहेको छ ।
