युक्रेनी राष्ट्रपति भोलोडिमिर जेलेन्स्कीले भने- हेलिकप्टर दुर्घटना युद्धको परिणाम
प्रकाशित मिति : माघ ४, २०७९ बुधबार
युक्रेनको राजधानी किभमा भएको हेलिकप्टर दुर्घटनापछि राष्ट्रपति भोलोडिमिर जेलेन्स्कीले ‘युद्धकालमा दुर्घटना’ नघट्ने बताएका छन् । यस दुर्घटनामा १४ जनाको मृत्यु भएको छ।
युक्रेनले अहिलेसम्म यो दुर्घटनामा रुसको हात रहेको दाबी नगरेपनि डाभोसमा भएको वल्र्ड इकोनोमिक फोरम (डब्ल्यूईएफ) मा जेलेन्स्कीले यो घटना युद्धको परिणाम भएको बताएका छन् ।
उक्त दुर्घटनामा युक्रेनका गृहमन्त्री डेनिस मोनास्टिरस्कीका केही सहकर्मीको मृत्यु भएको थियो । भिडियो सम्बोधन जारी गर्दै जेलेन्स्कीले आफ्ना पश्चिमी सहयोगीहरूलाई जतिसक्दो चाँडो थप हतियारहरू पठाउन अपील पनि गरे।
नेटोका प्रमुखले सोही मञ्चमा आफ्नो सम्बोधनमा युक्रेनले छिट्टै नयाँ, थप शक्तिशाली र आधुनिक हतियार पाउने बताएका छन् । जेन्स स्टोल्टनबर्गले पनि किभमा कुन हतियार पठाउने भन्ने बारे छलफल गर्न नेटो सदस्यहरूले शुक्रबार भेट्ने बताएका छन्।
बुधबार भएको हेलिकप्टर दुर्घटनामा मृत्यु भएका १४ जनामध्ये एक बालक पनि थिए । ४२ वर्षीय गृहमन्त्री डेनिस मोनास्टिरस्की रुसी आक्रमणपछि मृत्यु हुने युक्रेनका उच्च पदस्थ अधिकारी हुन्।