न्युयोर्क सिटीको ट्राफिक जाम संसारकै खराब होइन, त्यसोभए सबैभन्दा खराब कहाँको छ ?
प्रकाशित मिति : पुस २९, २०७९ शुक्रबार
कतिपयलाई लाग्नसक्छ, न्युयोर्क सिटीको ट्राफिक जाम संसारकै सबैभन्दा खराब छ । तर यो कुरा सत्य होइन ।
न्युयोर्क सिटीमा ड्राइभ गर्ने जो कोहीलाई थाहा छ कि ट्राफिक जाम कत्तिको तनावपूर्ण र निराशाजनक हुन सक्छ। तर विश्वास गर्नुहोस् वा नगर्नुहोस्, न्युयोर्कको भन्दा अझ खराब ट्राफिक जाम हुने विश्वका चर्चित ठाउँहरु पनि छन् ।
मोबाइल एनालिटिक्स कम्पनी इनरिस्कका अनुसार औसत न्यूयोर्कवासी प्रत्येक वर्ष ११७ घण्टा ट्राफिक जाममा बस्छन्। कम्पनीको ग्लोबल ट्राफिक स्कोरकार्डले त्यो बर्बाद गरिएको समय र इन्धनको मूल्य प्रति व्यक्ति लगभग प्रति वर्ष २ हजार डलर राख्छ।
तर न्युयोर्कको यो दर विश्वमा सबैभन्दा खराब होइन । इनरिस्कका अनुशार लन्डनमा ट्राफिक जाम विश्वमै सबैभन्दा खराब रहेको छ । इङ्गल्याण्डको राजधानीका सहरका चालकहरूले औषतमा आफ्नो कारहरूमा एक वर्षमा लगभग १५६ घण्टा ट्राफिक जाममा खर्च गर्छन् ।
लण्डनपछि पनि दोश्रोमा न्युयोर्क सिटी पर्दैन । विश्वकै खराब ट्राफिक जाम हुने दोश्रोमा अमेरिकाको शिकागो पर्छ भने तेश्रोमा फ्रान्सको पेरिस पर्छ । चौथोमा बोस्टन पर्छ भने न्युयोर्क सिटी पाँचौंमा पर्छ । छैठौंमा बोगाटा र सातौंमा टोरन्टो रहेका छन् । आठौंमा मायामी र नवौंमा इटलीको पालेर्मो रहेका छन् । दशौंमा मेक्सिकोको मोन्तेरी रहेको छ ।
इनरिस्कले सबै महादेशका ५० वटा देशका १ हजारभन्दा धेरै सिटीको स्कोरबोर्ड तयार पारेको छ । जसमा नेपाल भने समावेश छैन ।