हिजाब नलगाई खेलेको भन्दै इरानकी चेस खेलाडी सारा खादिमलाई धम्की
प्रकाशित मिति : पुस १९, २०७९ मंगलबार
इरानकी चेस खेलाडी सारा खादिमलाई हिजाब नलगाई खेलेको भन्दै स्वदेश फर्कने धम्की आएको छ । समाचार एजेन्सी रोयटर्सले सारा खादिमको निकट स्रोतलाई उद्धृत गर्दै यो जानकारी दिएको हो।
साराले गत हप्ता कजाकिस्तानमा भएको विश्व र्यापिड एण्ड ब्लिट्ज चेस च्याम्पियनसिपमा हिजाब नलगाई भाग लिइन् । इरानमा महिलाले हिजाब लगाउन अनिवार्य छ।
स्रोतका अनुसार सारालाई यसअघि पनि धेरै फोन आएका थिए जसमा उनलाई स्वदेश फर्किन चेतावनी दिइएको थियो । कतिपयले भने – ‘उनी फर्केर ‘आफ्ना समस्या समाधान’ गर्नुपर्छ।’
इरानमा रहेका साराका आमाबुवा र आफन्तलाई समेत धम्की आइरहेको छ । इरानको विदेश मन्त्रालयले यस विषयमा कुनै प्रतिक्रिया दिएको छैन।
अब सारा मंगलबार स्पेन पुगेकी छिन् । उनले यस विषयमा केही भन्न अस्वीकार गरेका छन् ।