मेस्सी भन्छन् -विश्व च्याम्पियनका रुपमा अर्जेन्टिनाको टिमबाट अझै केही खेलको मजा लिन चाहन्छु
प्रकाशित मिति : पुस ३, २०७९ आईतबार
अन्ततः पहिलो पटक विश्वकपको उपाधि जितेपनि अर्जेन्टिनाका कप्तान लियोनल मेस्सी अर्जेजिन्टाको राष्ट्रिय टिमबाट तत्काल टाढा नजाने भएका छन् ।
आइतवार लुसेल स्टेडियममा भएको फाइनलमा अर्जेन्टिनाले फ्रान्सलाई पेनाल्टी सुटआउटमा ४ २ ले हराएपछि फुटबलका महान खेलाडीले एक प्रमुख ट्रफी उचाले । खेल अतिरिक्त समयमा ३ ३ को बराबरीमा सकिएपनि मेस्सीले दुई गोल गरेर खेललाई पेनाल्टीलाई सुटआउटमा परिणत गरेका थिए ।
३५ बर्षीय मेस्सीको सम्भवतः फुटबलको सबैभन्दा ठूलो खेलमा अन्तिम उपस्थिति हो । तर उनले खेल पछि पुष्टि गरे कि उनी राष्ट्रिय टोलीबाट अझै केही खेल खेल्न चाहन्छन्।
मेस्सीले भने – ‘स्पष्ट रूपमा म यहीबाट करियर पूरा गर्न चाहन्थें। मेरो थप चाहना छैन । मेरो करियर यसरी समाप्त गर्नु ने प्रभावशाली छ। मसँग कोपा अमेरिका छ । एक विश्वकप छ। तर मलाई फुटबल मन पर्छ । मलाई राष्ट्रिय टोली समूहको हिस्सा हुन रमाइलो लाग्छ । म विश्व च्याम्पियन भएर अझै केही खेलको आनन्द लिन चाहन्छु।’
मेस्सीले सात पटक विश्वकै उत्कृष्ट खेलाडीको बालोन डी’ओर अवार्ड जितेका छन् । उनले पूर्व क्लब बार्सिलोनाबाट चार पटक च्याम्पियन्स लिग पनि जितेका छन्, तर सबैभन्दा ठूलो पुरस्कार विश्वकप हो।
मेस्सीले भने – ‘विश्वकपको सपना यसरी अचम्म तरिकाले वास्तविकता बन्यो। म यसको लागि धेरै भोको थिएँ । मलाई थाहा थियो कि भगवानले मलाई यो उपहार दिनेछन् । धेरै समय लाग्यो । तर हामी सफल भयौं । हामीले धेरै कष्ट भोग्यौं, तर हामीले सफलता हासिल गरेका छौं ।’
अर्जेन्टिनाका प्रशिक्षक लियोनेल स्कालोनीले भने – ‘यदि उनी खेलिरहन चाहन्छन् भने उनी हामीसँग हुन सक्छन्। उनी हामीसँग बस्न चाहनेबारे निर्णय गर्ने अधिकार उनीसँग बढी छ। उनको प्रशिक्षक बन्न पाउनु ठूलो खुशीको कुरा हो ।’
