एमबाप्पेले गरे २ गोल, कुल गोल संख्यामा मेस्सीलाई उछिने, खेल बराबरीमा
प्रकाशित मिति : पुस ३, २०७९ आईतबार
फ्रान्सका केलियन एमबाप्पले २ गोल गर्दै अर्जेन्टिनासँगको खेल बराबरीमा ल्याएका छन् भने कुल गोल संख्यामा मेस्सीलाई उछिनेका छन् । मेस्सीले कुल ६ गोल गरेकोमा एमबाप्पलेले ७ गोल गरेका छन् ।
पहिलो गोल पेनाल्टीमार्फत गरेका एमबाप्पेले लगत्तै दोश्रो गोल गरेका हुन् ।
अहिलेसम्म विश्वकपको एउटै सिजनमा सबैभन्दा धेरै गोल भने ब्राजिलका रोनाल्डोले गरेका थिए । उनले ८ गोल गरेका थिए ।
एमबाप्पेले क्लब फुटबलमा सबैभन्दा ठूलो पुरस्कार च्याम्पियन्स लिग जित्न नसकेतापनि उनले अन्तर्राष्ट्रिय खेलमा आँधीबेहरी ल्याएका छन् । उनी २३ वर्षको उमेरमा ब्याक टू ब्याक विश्वकप जित्नबाट एक जित टाढा छन् । उनले दुईवटा विश्वकप जितेर पेलेको उपलब्धिको अनुकरण गर्न सक्छन् ।
एमबाप्पले फुटबलको पछिल्लो सुपरस्टार हुन्, जसले मेस्सी र क्रिस्टियानो रोनाल्डोको १५ वर्षको वर्चस्व पछि खेलमा प्रतिभाको नयाँ लहरको नेतृत्व गर्दछन् । एम्बाप्पेले विश्वकप जितेमा वास्तविक रुपमा नयाँ उत्तराधिकारी जन्मिएको क्षण मानिनेछ।