बर्लिनको फाइभस्टार होटलमा १५ सय माछा भएको विशाल एक्वैरियम विष्फोट
प्रकाशित मिति : पुस १, २०७९ शुक्रबार
बर्लिनको फाइभस्टार होटलमा रहेको विशाल एक्वैरियम फुटेपछि प्रवेशद्वार बम विष्फोटस्थल जस्तो देखिएको थियो । क्रिसमसको सजावट, घुमाउरो पोल, झ्यालका फ्रेमहरू र स साना श्याम्पुका बोतलहरू सडकमा छरिएका थिए भने एक्वाडोम भनिने ५० फिटको ट्याङ्कीबाट करिब १,५०० माछाको शव सडकमा छरिएको थियो ।
विस्फोटबाट बच्ने कुनै पनि समुद्री जीवहरूको उद्धारको आशा कमै थियो। चिसो मौसममा तिनीहरू बर्लिनको केन्द्रीय अलेक्ज्याण्डरप्लाट्जमा रयाडिसन होटल बाहिर सडकमा जमेका थिए।
यो माछाको लागि एक त्रासदी भएको बर्लिन सिनेटमा जनावरहरूको सुरक्षाका लागि जिम्मेवार एक अधिकारी मार्कस कम्राडले बताएका छन् । धेरैमा माछा मर्नु दुर्भाग्यपूर्ण भएपछि घटनामा दुई जना मान्छे मात्र घाइते घएका छन् ।
ट्याङ्क बिहान पौने ६ बजे फुटेको उद्धार सेवाले जनाएको छ । यदि यो दिउसोमा भएको भए मानव त्रासदी पनि हुन सक्थ्यो ।
होटल एट्रियमको बीचमा रहेको एक्वाडोम ३८ फिटको परिधिमा थियो , जहाँ आगन्तुकहरूले भित्रको समुद्री जीवन देख्न सक्थे। घटनास्थलमा रहेका प्रहरी अधिकारीहरूले दिउसोको समयमा ट्याङ्की फुटेको भए के हुन्थ्यो होला भन्ने सोचेर टाउको हल्लाए।
एक्वाडम फुटेको घन्टौ पछि पनि भवनबाहिरको सडकको पूरै ब्लक साढे २ लाख ग्यालन पानीले भिजेको थियो जुन लबीबाट बाहिर निस्किएको थियो । पानीले आसपासका पसलहरुमा पनि क्षति पुर्याएको थियो ।
सडकमा परेको पानीको प्रभाव यति शक्तिशाली थियो कि स्थानीय सिस्मोग्राफहरूले पनि यसलाई सुचित गरेको थियो । वरपरका धेरै पसलहरू क्षतिग्रस्त भएका छन् भने कुर्सीहरू पल्टिएका छन् । झ्यालहरू भाँचिएका छन् ।
प्रहरीले घटनामा कसैलाई दोषी देखेको छैन । स्थानीय सञ्चारमाध्यमले अहिलेसम्म प्राविधिक गडबडी हुन सक्ने बताएका छन् । घटनापछि होटल खाली गरिएको थियो भने अधिकारीहरूले संरचनात्मक क्षतिको जाँच गरेका थिए ।