नेदरल्याण्ड्सलाई पेनाल्टी सुटआउटमा पराजित गर्दै अर्जेन्टिना सेमिफाइनलमा
प्रकाशित मिति : मंसिर २३, २०७९ शुक्रबार
Argentina players celebrate after defeating the Netherlands off penalties during the World Cup quarterfinal soccer match between the Netherlands and Argentina, at the Lusail Stadium in Lusail, Qatar, Saturday, Dec. 10, 2022. (AP Photo/Francisco Seco)
कतार २०२२ मा भएको रोमाञ्चक खेलमा नेदरल्यान्ड्सलाई पेनाल्टी सुटआउटमा हराएपछि अर्जेन्टिना र लियोनल मेस्सीको विश्वकप जित्ने आशा जीवित बनेको छ।
अर्जेन्टिनाले पेनाल्टीमा ४ गोल गर्न सफल भयो भने नेदरल्याण्डस ३ गोल गर्न सफल भयो । अर्जेन्टिनाले नेदरल्याण्डसका २ वटा किक रोक्न सफल भयो भने नेदरल्याण्डसले अर्जेन्टिनाको एउटामात्र किक रोक्न सफल भयो ।
नियमित र थपिएको समयमा अर्जेन्टिना र नेदरल्याण्डस २ २ को बराबरीमा रोकिएपछि पेनाल्टी शुटआउटबाट विजेता तय गरिएको हो ।
नहुएल मोलिनाले ३५ औं मिनेटमा गोल गर्दै अर्जेन्टिनालाई अग्रता दिलाएका थिए । यसले स्टार लियोनल मेस्सीको उत्कृष्ट पासलाई पछ्याएको थियो । मोलिनाले अर्जेन्टिनाका लागि २५ औं खेलमा गरेको यो पहिलो गोल हो।
त्यसपछि लियोनल मेस्सीले पेनाल्टी किक लिए र अर्जेन्टिनाका लागि दोस्रो गोलमा परिणत गर्दै नेदरल्याण्डविरुद्धको अग्रता दोब्बर पारे।
यो विश्वकपमा अर्जेन्टिनाका लागि फुटबल स्टार मेस्सीको १० औं गोल हो । मेस्सीले अब गेब्रियल बतिस्तुटाकै बराबर गोल गरेका छन् । जुन उनको देशको लागि समग्रमा ९५ औं गोल हो ।
खेलको ८३ औं मिनेटमा नेदरल्याण्डसका लागि वाउट वेगरस्टले बललाई जालको पछाडि हेड गर्दै गोल गरे । थपिएको समयको उत्कृष्ट समापनमा नेदरल्याण्ड्सका लागि वाउट वेगरस्टले गोल गरेर खेल बराबरीमा ल्याएका थिए ।
खेलका क्रममा फाउल गरेपछि अर्जेन्टिनाका एक खेलाडीले बललाई पिचबाट किक गरेर नेदरल्याण्डको बेन्चको क्षेत्रमा हानेका थिए ।रेफ्रीले अर्डर गर्नुअघि दुवै तर्फका खेलाडीहरूबीच धकेलाधकेल भएको थियो ।
अब क्रोएसिया र अर्जेन्टिनाबीच १३ डिसेम्बरमा न्युयोर्क समय अनुशार दिउसो २ बजे सेमिफाइनल खेल हुनेछ ।