पेनाल्टी शुटआउटमा ब्राजिललाई पराजित गर्दै क्रोएसिया सेमिफाइनलमा
प्रकाशित मिति : मंसिर २३, २०७९ शुक्रबार
पेनाल्टी शुटआउटमा ब्राजिललाई पराजित गर्दै क्रोएसिया सेमिफाइनलमा प्रवेश गरेको छ । अतिरिक्त समयमा पनि बराबरी भएपछि पेनाल्टी शुटआउटबाट सेमिफाइनलको निर्णय गरिएको हो ।
पेनाल्टी शुटआउटमा ब्राजिलले क्रोएसियाका ४ वटै प्रहार रोक्न सकेन । तर क्रोएसियाले भने ब्राजिलका २ वटा प्रहार रोक्न सफल भयो ।
अब दिउँसो २ बजे सुरु हुने अर्जेन्टिना र नेदरल्याण्ड्सबीचको खेलको विजेतासँग क्रोएसियाले सेमिफाइनलमा खेल्नेछ ।
क्रोएसियाका ब्रुनो पेट्कोभिचले अतिरिक्त समयमा ब्राजिलविरुद्ध १ गोल गरेपछि ब्राजिल र क्रोएसियाबीचको खेल बराबरी भएको थियो । निर्धारित ९० मिनेट र अतिरिक्त समयको दुई १५ मिनेटपछि ब्राजिल र क्रोएसियाको क्वार्टरफाइनल खेलको निर्णय शुटआउटबाट गरिएको हो ।
क्रोएसियाविरुद्ध अतिरिक्त समयमा १ गोल गर्दै ब्राजिलले सुरुमा अग्रता बढाएको थियो । ब्राजिलका सुपरस्टार नेयरमारले एक गोल गरेका थिए ।
नेयमारले अब फुटबल लिजेन्ड पेलेलाई ब्राजिलको सबैभन्दा धेरै गोलकर्ताको रुपमा बराबरी गरेका छन् ।
ब्राजिलको राष्ट्रिय फुटबल टिमका लागि अब नेयमार र पेलेको गोल बराबर अर्थात् ७७ भएको छ ।