Follow @khasokhasmag

अमेरिकामा सरकारी उपकरणमा टिकटक प्रतिबन्ध लगाउने राज्यको संख्या ५


प्रकाशित मिति : मंसिर २२, २०७९ बिहीबार

person holding black iphone 5

अमेरिकामा सरकारी उपकरणमा टिकटक प्रतिबन्ध लगाउने राज्यको संख्या ५ पुगेको छ । चिनियाँ स्वामित्वको सामाजिक सञ्जाल प्लेटफर्मबाट उत्पन्न हुन सक्ने सम्भावित राष्ट्रिय सुरक्षा खतरालाई लिएर अमेरिकामा सरकारी उपकरणहरूमा टिकटकको प्रयोगमा प्रतिबन्ध लगाउने राज्यहरुको संख्या बढिरहको छ ।

बुधबार टेक्सासले यस्तो प्रतिबन्ध लगाएको हो । मेरिल्याण्ड, साउथ डकोटा, साउथ क्यारोलिना र नेब्रास्का पछि लोकप्रिय एप टिकटक प्रतिबन्ध गर्ने पछिल्लो राज्य टेक्सास बनेको छ । सरकारी उपकरणमा टिकटकमा प्रतिबन्ध लगाएपनि उक्त राज्यमा बस्ने अन्यले टिकटक चलाउन भने कुनै समस्या हुनेछैन ।

चिनियाँ सरकारले चिनियाँ कम्पनी बाइटडान्सको स्वामित्वमा रहेको टिकटकलाई आफ्ना लाखौं प्रयोगकर्ताहरूबाट सङ्कलन गरेको डाटा साझा गर्न बाध्य पार्नसक्ने बारे अमेरिकी अधिकारीहरू चिन्तित छन् ।

टेक्सासका गभर्नर ग्रेग एबोटले प्रतिबन्धको घोषणा गर्दै टिकटकले आफ्ना प्रयोगकर्ताका यन्त्रहरूबाट धेरै मात्रामा डाटा सङ्कलन गर्ने तथा चिनियाँ सरकारलाई सम्भावित रूपमा संवेदनशील जानकारीको यो भण्डार प्रदान गर्ने बताएका छन् ।

 

red and whites logo

वर्षौंदेखि अमेरिकी गुप्तचर समुदायले कम्पनीले सङ्कलन गरेको डाटा कसरी प्रयोग भइरहेको छ भन्ने चिन्ता लिएको छ। एफबीआई निर्देशक क्रिस्टोफर रेले यस महिनाको सुरुमा कम्पनीको डाटा संग्रह परम्परागत जासुसी कार्यका लागि प्रयोग गर्न सकिने बताएका थिए ।

ट्रम्प प्रशासनले सम्भावित सुरक्षा र गोपनीयता खतराहरू उद्धृत गर्दै अमेरिकी कम्पनीलाई बिक्री नगरेसम्म एपलाई प्रतिबन्ध लगाउने धम्की दिएको थियो। राष्ट्रपति बाइडेनले एपलाई प्रतिबन्ध लगाउने ट्रम्पको प्रयासलाई उल्टाइदिए, तर तिनीहरूले कुनै सुरक्षा जोखिमहरू निम्त्याउनसक्ने बारे विदेशी स्वामित्व भएका एपहरूको सरकारी समीक्षा गर्न आदेश दिए ।

अमेरिकी सेनाले यसअघि आफ्ना सदस्यहरूलाई सरकारी उपकरणहरूमा टिकटक प्रयोग गर्न प्रतिबन्ध लगाएको थियो। टिकटकले भने चिनियाँ सरकारसँग डाटा सेयर नगरेको बताउदै आएको छ ।

उत्तर अमेरिकाका लागि टिकटकका सार्वजनिक नीति प्रमुख माइकल बेकरम्यानले कम्पनीले अन्य एपहरू जस्तै डाटा सङ्कलन गर्ने बताए । त्यसो हो भने उनीहरूले सरकारी फोनबाट सबै सोशल मिडिया एपहरू प्रतिबन्धित गर्ने विचार गर्नुपर्ने बेकरम्यानले बताए ।

© 2022 KHASOKHAS®. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com