२०१८ मा पनि पेनाल्टीबाटै राउण्ड अफ १६ र क्वार्टनरफाइनल जितेको थियो क्रोएसिया
प्रकाशित मिति : मंसिर १९, २०७९ सोमबार
आजको खेलमा जापानलाई पेनाल्टी शुटआउटमा हराएको क्रोएसियाले विश्वकपमा पेनाल्टी सुटआउटलाई सदुपयोग गरेको यो पहिलोपटक होइन । सन् २०१८ मा पनि राउण्ड अफ १६ मा क्रोएसियाले पेनाल्टीबाटै जितेको थियो ।
त्यस्तै सन् २०१८ को क्वार्टरफाइनलमा पनि क्रोएसियाले पेनाल्टीबाटै जितेको थियो भने सेमिफाइनलमा अतिरिक्त समयमा गोल गरेर जितेको थियो । र फाइनलमा फ्रान्ससँग खेलेको थियो ।
आजको खेलमा जापानलाई पेनाल्टी सुटआउटमा पराजित गर्दै क्रोएसिया क्वाटरफाइनलमा प्रवेश गरेको छ । १२० मिनेटको खेलसम्म पनि क्रोएसिया र जापान १–१ गोलको बराबरीमा रोकिएपछि विजेता निर्णय गर्न प्रतियोगिताको पहिलो पेनाल्टी किक सुटआउट आवश्यक परेको थियो ।
सुटआउटमा क्रोएसियाली गोलकिपर डोमिनिक लिभाकोभिकलाई जापानी खेलाडीले छक्याउन सकेनन । उनले जापानबाट सुरुका दुई किक जोगाएर आफ्नो टोलीलाई ठूलो फाइदा पुर्याए। त्यसपछि उनले जापानको चौथो प्रयासमा तीनवटा गोल हुनबाट बचाए।
क्रोएसियाले आफ्नो पहिलो चार प्रयासमध्ये तीनवटा प्रयास सफल पारेको छ । आजको दोश्रो खेल ब्राजिलले दक्षिण कोरियासँग खेल्नेछ। ब्राजिल र दक्षिण कोरियाबीचको विजेताले क्वार्टरफाइनलमा क्रोएसियासँग खेल्नेछ।