भैसी बेचेर ६ लाख डलर कमाएको दावी गर्ने दक्षिण अफ्रिकाका राष्ट्रपतिबाट अदालतमा चुनौती
प्रकाशित मिति : मंसिर १९, २०७९ सोमबार
दक्षिण अफ्रिकाका राष्ट्रपति सिरिल सिरिल रामापोसाले सोमबार विज्ञहरूको प्यानलको प्रतिवेदनलाई अदालतमा चुनौती दिएका छन् । विज्ञहरुको प्रतिवेदनमा उनले सम्भावित घोटाला गरेको र संविधानको उल्लंघन गरेको प्रारम्भिक प्रमाण फेला पारेको उल्लेख छ ।
प्यानलको प्रतिवेदनलाई अस्वीकार गर्न पार्टीले संसदमा मतदान गर्ने बताएको केही अगाडि रामापोशाले प्रतिवेदनलाई कानूनी चुनौती दिएको घोषणा बाहिर आएको हो । संसदका सभामुख द्वारा नियुक्त प्यानलले रामापोशाको फार्ममा ठूलो रकम विदेशी मुद्रा लुकाइएको आरोपको छानबिन गरेको थियो । त्यस्तै २०२० मा चोरी हुँदा रामापोशा पैसा हराएको रिपोर्ट गर्न असफल भएको जनाइएको छ ।
रामापोसाले गल्ती अस्वीकार गरेका छन् । साथै उनीबिरुद्ध कुनै पनि अपराधको आरोप लगाइएको छैन। फार्ममा नगदको अस्तित्व र प्रहरीलाई चोरीको रिपोर्ट गर्न असफल भएको कुरा मिडियामा फार्मगेट काण्डका रुपमा चर्चित बनेको छ ।
चोरी भएको रकम ४ देखि ८ मिलियन डलर रहेको बताइएपनि राष्ट्रपति रामापोसाले उक्त रकम ६ लाख डलरजति भएको र सुडानका व्यापारीलाई २० वटा भैंसी बेचेर कमाएको दावी गर्दै आएका छन् ।
रामापोसाका वकिलहरूले संवैधानिक अदालतमा दायर गरेको अदालती कागजातहरूको प्रतिलिपिमा रामाफोसाले प्यानलको प्रतिवेदन गैरकानूनी घोषित र खारेज गर्न चाहेको देखाएको छ।
प्रतिवेदनमाथि मंगलबार राष्ट्रियसभामा छलफल हुने भएको छ । पार्टीले मंगलबार प्रतिवेदनको बिरूद्ध मतदान गर्ने अपेक्षा गरिएको छ।