न्युयोर्क विश्वको सबैभन्दा महँगो सहरमा सुचिकृत
प्रकाशित मिति : मंसिर १७, २०७९ शनिबार
विश्वको सबैभन्दा महँगो सहरमा न्युयोर्क पहिलो नम्बरमा आएको छ । इकोनोमिस्ट इन्टेलिजेन्स युनिटको सर्वेक्षणमा पहिलोमा न्युयोर्क र दोश्रोमा सिंगापुर रहेका छन् ।
सर्वेक्षण अनुसार विश्वका ठूला सहरहरूको जीवन यापन खर्च औसत ८ दशमलव १ प्रतिशतले बढेको छ।
न्युयोर्क सूचीको सबैभन्दा माथि रहनुमा अमेरिकामा बढेको उच्च महँगीलाई एउटा कारण मानिएको छ। अमेरिकामा महँगी ४० वर्षयताकै उच्च तहमा पुगेको छ ।
विश्वका महँगा सहरमा लस एन्जलस र सान फ्रान्सिस्को समेत शीर्ष १० मा परेका छन् । बलियो बनिरहेको अमेरिकी डलरका कारण समेत अमेरिकी सहरहरु महँगा सहरमा अगाडि देखिएका छन् ।
सर्वेक्षणले १७३ सहरमा वस्तु र सेवामा हुने खर्चलाई अमेरिकी डलरमा तुलना गरेको हो । सर्वेक्षणमा २ सय भन्दा धेरै वस्तु तथा सेवाका ४ सय भन्दा धेरै मूल्यलाई विश्वभरका १७२ सहरसँग तुलना गरिएको हो ।
विश्वका महँगा सहरमा न्युयोर्क, सिङ्गापुर, तेल अभिभ, हङकङ, लस एन्जलस, जुरिक, जेनेभा, सान फ्रान्सिस्को, पेरिस, सिड्नी र कोपेनहेगन क्रमश रहेका छन् ।