विश्वकपमा भोलिदेखि नकआउट चरणका खेल, कोको कतिबेला खेल्दै?
प्रकाशित मिति : मंसिर १६, २०७९ शुक्रबार
विश्वकप २०२२ मा भोलि शनिबारदेखि नकआउट चरणका खेलहरु हुने भएका छन् । विश्वकपमा नकआउट राउण्ड एकल एलिमिनेशन हो। जित्नुहोस् वा घर जानुहोस्। यो एकदम सरल छ। विश्वकप च्याम्पियनले प्रतियोगिता जित्नका लागि लगातार चार खेल जित्नुपर्ने हुन्छ ।
पहिलो खेल भोलि न्युयोर्क समय अनुशार विहान १० बजे अमेरिका र नेदरल्याण्डसबीच हुनेछ ।
त्यस्तै भोलि दिउसो न्युयोर्क समय अनुशार २ बजे अर्जेन्टिना र अष्ट्रेलियाबीचको खेल हुनेछ । डिसेम्बर ४ आइनबार फ्रान्स र पोल्याण्डबीच न्युयोर्क समय अनुशार विहान १० बजे खेल हुनेछ भने न्युयोर्क समय अनुशार दिउसो २ बजे इंग्ल्याण्ड र सेनेगलबीच खेल हुनेछ ।
त्यस्तै डिसेम्बर ५ मा न्युयोर्क समय अनुशार विहान १० बजे जापान र क्रोएसियाबीच तथा दिउसो २ बजे ब्राजिल र साउथ कोरियाबीच खेल हुनेछ । डिसेम्बर ६ मा न्युयोर्क समय अनुशार विहान १० बजे मोरक्को र स्पेन तथा दिउसो २ बजे पोर्चुगल र स्वीटजरल्याण्डबीच खेल हुनेछ ।
क्वाटरफाइनल खेल डिसेम्बर ९ बाट हुनेछ । नेदरल्याण्डस र अमेरिकाबीचको खेलमा विजेता हुनेले अर्जेन्टिना र अष्ट्रेलियामध्ये जो विजेता हुन्छ, त्योसँग ९ डिसेम्बरमा न्युयोर्क समय दिउसो २ बजे भिड्नुपर्नेछ । त्यस्तै जापान र क्रोएसियाबीचको खेलमा विजेता हुनेले ब्राजिल र साउथ कोरिया मध्ये जो विजेता हुन्छ, त्योसँग डिसेम्बर ९ न्युयोर्क समय विहान १० बजे भिड्नुपर्नेछ ।
मोरक्को र स्पेनबीचको खेलमा विजेता हुनेले पोर्चुगल र स्वीट्जरल्याण्डमध्ये जो विजेता हुन्छ, त्योसँग १० डिसेम्बरमा न्युयोर्क समय विहान १० बजे भिड्नुपर्नेछ । त्यस्तै फ्रान्स र पोल्याण्डबीचको खेलमा विजेता हुनेले ईग्लायण्ड र सेनेगल मध्ये जो विजेता हुन्छ, त्योसँग डिसेम्बर १० न्युयोर्क समय दिउसो २ बजे भिड्नुपर्नेछ ।
क्वार्टरफाइनलका यी ४ वटा खेलमा जित्नेहरुबीच १३ र १४ डिसेम्बरमा २ वटा सेमीफाइनल खेलहरु हुनेछन् । सेमी फाइनलमा हार्ने २ टोलीबीच तेश्रो स्थानका लागि १७ डिसेम्बरमा खेल हुनेछ भने सेमी फाइनलमा जित्ने दुई टोलीबीच फाइनल खेल १८ डिसेम्बरमा हुनेछ ।
अबका खेलमा बराबरी भएमा के हुन्छ ?
बराबरी वा टाई विश्वकपको समूह चरणमा मात्र सम्भव छ। यदि ९० मिनेटपछि देश बराबरी भएमा खेल अतिरिक्त समयमा जानेछ। यसको मतलब त्यहाँ एक विजेता निर्णय गर्न दुईपटक पन्ध्र पन्ध्र मिनेट अवधि थपिनेछ।
खेलको १२० मिनेटपछि पनि देश बराबरी भएमा पेनाल्टी किक सुटआउटले विजेताको निर्णय गर्नेछ। पेनाल्टी किक शुटआउटमा दुवै पक्षका पाँच खेलाडीले गोलकिपरविरुद्ध पेनाल्टी किक गर्ने प्रयास गर्छन्। त्यहाँबाट अधिक पेनाल्टी बनाउने देशले जित्नेछन् । पाँच पेनाल्टी किक पछि पनि बराबर भएमा दुई देशहरूले विजेता नभएसम्म किक हान्न जारी राख्नेछन् ।