अर्जेन्टिना र पोल्याण्ड नकआउट चरणमा, विश्वकपबाट बाहिरिए मेक्सिको र साउदी अरेबिया
प्रकाशित मिति : मंसिर १४, २०७९ बुधबार
अर्जेन्टिनाले पोल्याण्डलाई २ -० ले हराएपनि दुबै टोली नकआउट राउण्डमा पुगेका छन् ।
मेक्सिको र साउदी अरेबियाबीचको खेलको नतिजामा पोल्याण्ड नकआउट चरणमा पुग्ने निर्धारण हुने थियो । किनभने पोल्याण्ड गोल भिन्नतामा मेक्सिकोसँग बराबरीमा थियो ।
अर्जेन्टिना वा मेक्सिकोले अर्को गोल गरेको भए नतिजा अर्कै हुने थियो। तर त्यसो हुन पाएन । अब अर्जेन्टिना र पोल्याण्ड समूह सी मा पहिलो र दोस्रो हुँदै राउन्ड अफ १६ मा पुगेका छन् । मेक्सिको र साउदी अरब विश्वकपबाट बाहिरिएका छन् ।
मेक्सिकोले समूह चरणको अन्तिम खेलमा साउदी अरेबियालाई २-१ ले हराएको थियो तर नकआउट चरणमा पुग्न यो पर्याप्त भएन ।