अमेरिकामा टोर्नाडोले दुई जनाको मृत्यु, ४० मिलियन जोखिममा
प्रकाशित मिति : मंसिर १४, २०७९ बुधबार
भारी वर्षा, आँधीबेहरी, कडा बतास र टोर्नाडोले मङ्गलबार ढिलो र बुधवार बिहान अमेरिकाको दक्षिणमा केही भागहरूलाई आक्रमण गरेको छ । अलाबामाको मोन्टगोमेरी काउन्टीमा घरमाथि रुख ढलेपछि कम्तिमा दुई जनाको मृत्यु भएको एक आपतकालीन अधिकारीले बताएका छन् ।
कम्तिमा चारवटा पुष्टि गरिएको टोर्नाडो मंगलबार राति यस क्षेत्रमा फैलिएको थियो । केही क्षेत्रहरूमा दुई इन्च जति ठूलो असिना समेत परेको थियो ।
बुधवारको सुरुमा अलाबामामा रहेको राष्ट्रिय मौसम सेवा कार्यालयले ग्रामीण क्षेत्रमाूठूलो र हानिकारक सक्रिय टोर्नाडोको कारण बासिन्दाहरूलाई सेल्टर लिन आग्रह गरिरहेको थियो। मौसम सेवाले केही थप टोर्नाडोहरूको समेत चेतावनी दिएको थियो ।
आपतकालीन व्यवस्थापन विभागका निर्देशकले दुई जनाको मृत्यु बाहेक एउटै घरका अन्य एक व्यक्ति पनि घाइते भएका छन्।
त्यो क्षेत्र र समुदायमा क्षति पुगेको तथा विद्युत आपूर्तिमा अवरोध आउनुका साथै रूखहरू ढलेको र सडक अवरुद्ध भएको जनाइएको छ ।
मोन्टगोमेरी काउन्टीको आपतकालीन व्यवस्थापन विभागको फेसबुक पेजका अनुसार अलाबामामा भारी वर्षा, सडक अवरुद्ध, विद्युत आपूर्तिमा अवरोध र घरहरूमा रूखहरू ढल्नाले क्षतिको सामना गरेको छ । बुधवार बिहानसम्म अलाबामाका करिब ३० हजार ग्राहकहरू बिजुलीविहीन थिए। हेल काउन्टीमा ३० भन्दा बढी घरहरू क्षतिग्रस्त भएका छन् ।
आँधी बुधवार पछि कमजोर हुने अपेक्षा गरिएको छ । तर बिहान ८ बजेसम्म लुजियाना र फ्लोरिडामा ७ लाख भन्दा बढी मानिसहरू अझै पनि टोर्नाडोको निगरानीमा थिए । मौसम सेवाका अनुसार थप टोर्नाडोहरू सम्भव थियो। अलाबामाका केही विद्यालयहरू बुधबार दुई घण्टा ढिलो खुलेका छन् ।
आँधी प्रणालीले दिउँसो पूर्वोत्तरमा वर्षा ल्याउने अपेक्षा गरिएको छ । दक्षिणमा टोर्नाडोहरू वर्षको यस समयमा सुनिएको थिएन । औसतमा नोभेम्बरमा अमेरिकामा ५४ वटा टोर्नेडो रिपोर्ट गरिएका छन्। टेक्सास, अलाबामा, मिसिसिपी, लुजियाना, अर्कान्सास, टेनेसी र फ्लोरिडाले ऐतिहासिक रूपमा नोभेम्बरमा सबैभन्दा ठूलो टोर्नाडो रिपोर्ट गरेको छ।
मिसिसिपीले मंगलबार राती दुई टोर्नाडो पुष्टि गरेको छ । एउटा पूर्वी मिसिसिपीको लोन्डेस काउन्टीमा र अर्को ज्याक्सनबाट ९० माईल पूर्वमा पाउल्डिंगमा आएको थियो । आँधीको शक्ति स्पष्ट थिएन, तर तिनीहरूले बिजुलीका लाइन र रूखहरू ढालेका थिए।
लोन्डेस काउन्टीमा एक किराना पसल सहित आँधीले क्षतिग्रस्त भवनहरूमा फसेका मानिसहरूलाई सुरक्षित रूपमा बाहिर निकालिएको थियो । भाइडेनमा २ इन्च सम्मको असिनाले मध्य मिसिसिपीको सानो शहरलाई ढाकेको छ ।