अमेरिकामा मेगा मिलियन लोटरी नाघ्यो ३ सय मिलियन
प्रकाशित मिति : मंसिर १०, २०७९ शनिबार
अमेरिकामा मेगा मिलियन लोटरी ३ सय मिलियन डलर नाघेको छ । शुक्रबार पनि कसैलाई नपरेपछि मंगलबार खोलिने मेगा मिलियन लोटरी ३०५ मिलियन डलर पुगेको छ ।
मेगा मिलियन चिठ्ठा अमेरिकाका ४४ वटा राज्यहरुमा खेल्न सकिन्छ । साथै वासिंटन डिसी र युएस भर्जिन आइल्याण्डमा पनि खेल्न सकिन्छ ।
मेगा मिलियन हरेक मंगलबार र शुक्रबार न्युयोर्क समय अनुशार राती ११ बजे खोलिन्छ । यसको ज्याकपटक जित्नका लागि ३०२ मिलियन टिकटबीच सबैभन्दा धेरै भाग्यशाली हुन जरुरी छ । यो टिकटको मूल्य २ डलर रहेको छ । खेल्ने व्यक्तिले १ देखि ७० भित्रका ५ वटा नम्बर र १ देखि २५ भित्रको एउटा नम्बर छनौट गर्नुपर्छ ।
यस अगाडि अमेरिकामा पावरबल २ बिलियन डलर पुगेको थियो । उक्त पावरबल ज्याकपट लोटरी क्यालिफोर्नियाका व्यक्तिले जितेका थिए । तर अहिलेसम्म कसैले पनि उक्त टिकट दावी गर्न आएको छैन ।