Follow @khasokhasmag

आपत्तिजनक नारावाजीपछि के रंगशालामा मेक्सिको र इक्वेडरका फ्यानलाई प्रतिबन्ध लाग्ला?


प्रकाशित मिति : मंसिर ७, २०७९ बुधबार

मेक्सिकोका फ्यानहरूले पोल्याण्डका खेलाडीहरूप्रति मङ्गलबारको विश्वकपमा खेल बराबरीका क्रममा गरेको विभेदपूर्ण र आपत्तिजनक नाराबाजीबारे फिफाले अनुसन्धान सुरु गरेको छ । फिफा अनुशासन समितिले मेक्सिको र पोल्याण्डको खेलको क्रममा मेक्सिकन समर्थकहरूले नारा लगाएका कारण मेक्सिकन फुटबल संघ विरुद्ध अनुसन्धान सुरु गरेको हो ।

मेक्सिको राष्ट्रिय फुटबल टोलीका समर्थकहरूले पोल्याण्डका स्ट्राइकर रोबर्ट लेवान्डोस्की बिरूद्ध अपमानजनक टिप्पणी गरेका थिए । अघिल्लो खेलमा फ्यानले समलिंगीहरुलाई अपमान हुनेगरी नाराहरू प्रयोग गरेको सजायको रूपमा मेक्सिकोले विश्वकप छनोटका दुईखेल प्रशंसकहरू बिना खेल्नु परेको थियो ।

प्रशंसकहरूले लगातार समलिङ्गी विरोधी नाराहरू लगाएका कारण मेक्सिकोले खाली स्टेडियममा खेल्नुपरेको थियो भने मेक्सिकन फुटबल महासंघलाई १ लाख १० हजार डलर जरिवाना पनि गरिएको थियो। समर्थकहरूलाई विपक्षी खेलाडीहरूलाई गाली गर्नबाट रोक्नको लागि लामो समयदेखि चलिरहेको अभियानमा यो सबैभन्दा नयाँ सजाय थियो ।

 मेक्सिकोका फ्यानहरू

फिफाको अहिलेको कारवाही समलिंगीहरुलाई अपमान हुनेगरी गरिएको नारावाजीका कारण हो वा वा मेक्सिको समर्थकहरूको अन्य व्यवहारको कारण हो भन्ने स्पष्ट छैन ।

मेक्सिकोका फ्यानहरू

फिफाले इक्वेडरका प्रशंसकहरूबाट समलिंगीहरुलाई अपमान हुनेगरी गीतहरू गाएकोमा पनि अनुसन्धान सुरु गरेको छ । इक्वेडरका केही फ्यानहरूले इक्वेडर र कतारबीचको खेलमा होमोफोबिक गीत गाउँदै गरेको सुनिएको थियो।

फिफाले मेक्सिकन र इक्वेडोर संघहरूविरुद्धका यी विषय सम्बोधन गर्न कुनै समय तालिका दिएको छैन । साथै कस्तो सजाय हुने भन्नेबारे पनि केही बताइएको छैन । खेलहरूमा प्रशंसक व्यवहारको लागि संघहरूहरु जिम्मेवार हुनुपर्छ ।

   दर्ता नम्बर: २८२९

नमस्ते मिडिया

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com