अर्को कार्यकाल प्रतिनिधिसभामा डेमोक्र्याटस्को नेतृत्व नगर्ने ८२ बर्षीया न्यान्सी पेलोसीको घोषणा
प्रकाशित मिति : मंसिर १, २०७९ बिहीबार
भविष्यको बारेमा महिनौंको अनुमान पछि ८२ बर्षीय हाउस स्पिकर न्यान्सी पेलोसीले अर्को कार्यकालको लागि प्रतिनिधिसभामा डेमोक्र्याटको नेतृत्व गर्न नखोज्ने तर प्रतिनिधिसभामा भने रहिरहने घोषणा गरेकी छिन् ।
क्यारियरको ३५ वर्ष पुग्दा पेलोसीले यस्तो घोषणा गरेकी हुन् । जसमा पेलोसी अमेरिकी इतिहासमा प्रतिनिधिसभामा सबैभन्दा शक्तिशाली महिला सांसद बनिन् । गत हप्ताको मध्यावधि चुनावमा डेमोक्रेटिक पार्टीले झिनो सिटले प्रतिनिधिसभामा बहुमत गुमाएलगत्तै पेलोसीको यो घोषणा आएको हो ।
पेलोसीले सहकर्मी डेमोक्र्याटहरूसँगको २०१८ को सम्झौतालाई पनि पालना गरिरहेकी छिन् । जसमा उनले नयाँ पुस्ताको लागि बाटो बनाउन २०२२ को अन्त्यमा नेतृत्वबाट राजीनामा दिने उल्लेख थियो ।
अब नयाँ पुस्ताको लागि लोकतान्त्रिक ककसको नेतृत्व गर्ने समय आएको र त्यसलाई गहिरो सम्मान गर्ने पेलोसीले बिहीबार हाउस फ्लोर भाषणमा बताइन् ।
राष्ट्रपति जो बाइडेनले बिहीबार उनलाई आफूहरुको इतिहासमा प्रतिनिधि सभाको सबैभन्दा परिणाममुखी वक्ता बताएका छन् । उनको नेतृत्वको साथ बिल पारित हुने नहुनेबारे कुनै चिन्ता गर्नु नपरेको बाइडेनले बताए ।
अमेरिकाकी पहिलो र एकमात्र महिला सभामुख पेलोसीले आफ्ना धेरै सहकर्मीहरूको कडा आग्रहको बाबजुद पनि नेतृत्व छाड्ने भएकी छिन् ।
यस वर्ष पेलोसीको नेतृत्व अन्तर्गत हाउस डेमोक्र्याटहरूले पार्टीले मध्यावधिमा ठूलो घाटा बेहोरेको भन्दा रिपब्लिकनहरूले प्रतिनिधिसभामा झिनो बहुमतमात्र पाएकोलाई उपलब्धी बताएका छन् ।