२ बिलियनको पावरबल लोटरी विजेता नम्बर सार्वजनिक हुन ढिलाई हुनुको कारण खुलासा
प्रकाशित मिति : कार्तिक २६, २०७९ शनिबार
२ बिलियनको पावरबल लोटरी विजेता नम्बर सार्वजनिक हुन ढिलाई हुनुको कारण खुलासा भएको छ । मिनेसोटाले प्रमाणिकरण प्रक्रियामा ढिलाई गरेका कारण पावरबल ज्याकपट समयमा खोल्न नसकिएको खुलासा भएको छ ।
नोभेम्बर ७ सोमबारको राती लोटरी खोल्नुपर्नेमा नोभेम्बर ८ मङ्गलबार विहान न्युयोर्क समय अनुशार १० बजेतिरमात्र विजेता नम्बरहरु सार्वजनिक गरिएको थियो ।
अत्याधिक लोटरी खरिदका कारण मिनेसोटाको बिक्री प्रमाणिकरण प्रणालीले प्रशोधन गर्न ढिलो भएको मिनेसोटा लोटरीले आफ्नो वेबसाइटमा जनाएको छ । दुई चरण प्रमाणिकरण प्रक्रिया प्रयोग गर्ने जसमा प्रारम्भिक विक्रेताले टिकट लेनदेनको प्रिन्ट र रेकर्ड गर्ने तथा त्यसपछि विक्रेताले तिनीहरूको काम शुद्धताको लागि जाँच गर्ने मिनेसोटा लोटरीले जनाएको छ ।
सोमबार राति प्रणालीहरूले राम्रोसँग सञ्चार गर्न नसकेका कारण डाटालाई सन्तुलन गर्न असम्भव बनाएको जनाइएको छ । यस्तो समस्या विगतमा पनि हुनेगरेको तर एकघण्टाभित्र समाधान हुने गरेको जनाइएको छ । पावरबललाई सबै ४८ सहभागी लोटरीहरूलाई तिनीहरूको बिक्री पेश गर्न र विजेता नम्बरहरू चयन गर्नु अघि डेटा प्ले गर्न आवश्यक छ।
मंगलबार विहान गरिएको घोषणा अनुशार विजेता नम्बरहरुमा १०, ३३, ४१, ४७ र ५६ रहेका छन् भने पावरबल नम्बर पनि १० नै रहेको थियो । तर अहिलेसम्म विजेताले रकम दावी गरेका छैनन् ।
यो पावरबल ज्याकपट विश्वकै अहिलेसम्मको ठूलो राशीको लोटरी हो । अर्थात् यति धेरै राशीको लोटरी पुगेको अहिलेसम्मकै इतिहासमा विश्वमा पहिलो हो ।
गिनिज बुकमा विश्वकै सबैभन्दा ठूलो राष्ट्रिय ज्याकपटमा जनवरी २०१६ को पावरबल रहेकोमा उक्त रेकर्ड पनि तोडिएको हो । त्यतीबेला १ दशमलव ५८६ बिलियन डलरको ज्याकपट खोलिएको थियो । जो अमेरिकाभर तीनजनाले जीतेका थिए ।
पावरबल लोटरी विजेताहरूले एकमुष्ठ पुरस्कार प्राप्त गर्ने वा २९ बर्षमा ३० पटकगरी पुरस्कार प्राप्त गर्ने योजनाबीच छनौट गर्न सक्छन् । एकमुष्ठ भुक्तानी चर्चा गरिएभन्दा कम हुन्छ तर अधिकांशले एकमुष्ठ भुक्तानीकै विकल्प रोज्छन् ।
जितेको रकममा २४ प्रतिशत अनिवार्य संघीय ट्याक्स विथहोल्ड हुन्छ भने एकल करदाताले शीर्ष संघीय सीमान्त दर ३७ प्रतिशत पनि तिर्नुपर्छ । त्यसपछि राज्य र सिटीका करहरु पनि तिर्नुपर्छ । उक्त करको दर विजेता कहाँ बस्छन् र उनीहरूले जित्ने टिकट कहाँ किनेका थिए भन्ने आधारमा निर्धारण हुन्छ । क्यालिफोर्नियामा यो राज्यकर तिर्नुपर्दैन ।
पावरबल चिठ्ठा अमेरिकाका ४५ वटा राज्यहरुमा खेल्न सकिन्छ । साथै वासिंटन डिसी, पोर्तोरिको र युएस भर्जिन आइल्याण्डमा पनि खेल्न सकिन्छ ।
यो टिकटको मूल्य २ डलर रहेको छ । खेल्ने व्यक्तिले १ देखि १ देखि ६९ सम्मका ५ वटा नम्बर र १ देखि २६ सम्मको एउटा नम्बर छनौट गर्नुपर्छ ।