भारतीय वायुसेनालाई नयाँ लडाकु विमान, विमानको नाम राखियो ‘प्रचण्ड’
प्रकाशित मिति : आश्विन १७, २०७९ सोमबार
भारतीय वायुसेनाले सोमबार लाइट कम्ब्याट एयरक्राफ्ट पाएको छ। यो लडाकु विमान भारतमा नै बनेको हो । रक्षामन्त्री राजनाथ सिंहले यस लडाकु विमानको नाम ‘प्रचण्ड’ राखेका छन् ।
जोधपुर एयरबेसमा रक्षामन्त्रीको उपस्थितिमा यी विमान वायुसेनामा सामेल भएका हुन् । वायुसेनालाई लाइट कम्ब्याट एयरक्राफ्ट विमानहरू हस्तान्तरण गर्नु अघि सर्वधर्म प्रार्थना गरिएको थियो।
नाम है ‘प्रचंड’ pic.twitter.com/dCa3WGvw9A
— Rajnath Singh (@rajnathsingh) October 3, 2022
उक्त कार्यक्रमपछि रक्षामन्त्री राजनाथ सिंहले प्रचण्डलाई बिदाइ गरेका थिए । रक्षामन्त्री राजनाथ सिंहले पनि प्रचण्डको भिडियो सेयर गरेका छन् ।
राजनाथ सिंहले जबरदस्त शक्ति, जबरदस्त वेग र भयंकर स्ट्राइक क्षमताको साथ यो लाइट कम्ब्याट एयरक्राफ्टको समावेशले वायुसेनाको शक्ति मात्र बढाउने नभई आत्मनिर्भर भारतको दिशामा ठूलो कदम पनि भएको बताए ।
लाइट कम्ब्याट हेलिकप्टर आधुनिक युद्धक्षेत्रको आवश्यकता अनुरूप डिजाइन र विकास गरिएको आफूलाई जानकारी दिइइको सिंहले बताए । यसको विकासका चरणहरूमा परीक्षणहरूको क्रममा यसले विभिन्न चुनौतीहरूको सामना गर्न सक्षम भएको देखिएको उनले बताए ।
Light Combat Helicopter is capable of dodging the enemy, carrying a variety of ammunition & delivering it to the site quickly
LCH perfectly meets the needs of our armed forces in various terrains & it is an ideal platform for both our Army & AirforceRaksha Mantri @rajnathsingh pic.twitter.com/hxFvsCkPXH
— PIB India (@PIB_India) October 3, 2022
कार्यक्रममा राजनाथ सिंहले वायुसेनालाई यो विमान हस्तान्तरण गर्नको लागि नवरात्रभन्दा राम्रो समय र राजस्थानको माटोभन्दा राम्रो ठाउँ अरू कुनै हुनै नसक्ने बताए ।
हिन्दुस्तान एरोनटिक्स लिमिटेडले यी हल्का लडाकु विमान बनाएको हो। लगभग १८८५ करोडको लागतमा १५ वटा लडाकु विमान सेनामा समावेश गरिनेछ। तीमध्ये १० विमान सोमबार भारतीय वायु सेनामा सामेल भए।